திராவிட அரசுகள் தேவேந்திர மக்களுக்கு தந்த வலிகள் ...

Latest Post

ஸ்டெர்லைட் ஆலையும் மக்கள்போரும்!

Written By DevendraKural on Monday, 26 March 2018 | 15:18

வேதாந்தாவின் ஸ்டெர்லைட் ஆலையும் மக்கள்போரும் 

அனில் அகர்வால் என்ற லண்டனில் குடியேறிய இந்தியரின் 'வேதாந்தா' தொழிற்சாலைக்கு எதிராக இந்தியாவில் உழைக்கும் மக்கள் தொடர்ந்து போராடிக் கொண்டிருக்கின்றனர்.

குஜராத், கோவா ஆகிய மாநிலங்களில் வேதாந்தாவின் தாமிர உருக்கு ஆலை அமைக்க முயன்று, தோற்றுப் போய் பின்னர் மராட்டிய மாநிலம் இரத்தினகிரியில் 12.12.1989இல் அடிக்கல் நாட்டப்பட்டது. அங்கு விவசாயிகள் கிளர்ந்து எழுந்து போராடியதால், அம்மாநில முதல்வர் சரத்பவார் ஆலை அமைக்க அனுமதி மறுத்து 1.5.1994இல் கட்டுமானப் பணிக்குத் தடை விதித்தார்.

தமிழக முதல்வர் ஜெயலலிதா மக்களின் போராட்டத்தை கண்டு கொள்ளாமல், தமிழ்நாட்டின் தூத்துக்குடியில் 30.10.1994 அன்று ஸ்டெர்லைட் தொழிற்சாலை அமைக்க அனுமதித்து, கட்டுமானப் பணிக்கு அடிக்கல்லும் நாட்டினார். அதனால் 18.3.1996 அன்று தூத்துக்குடி வந்த ஜெயலலிதாவுக்கு கடும் எதிர்ப்பு தெரிவிக்கப்பட்டு கருப்பு நாளாக அனுசரிக்கப்பட்டது.

தூத்துக்குடி துறைமுகத்துக்கு தாமிரத் தாது கொண்டு வந்த எம்.வி.ரீசா என்ற கப்பல் 20.3.1996 அன்று ஆழ்கடலில் தடுத்து மீனவர்களால் விரட்டியடிக்கப்பட்டது. கப்பல் கொச்சிக்கு சென்றது. 78 விசைப்படகுகள், 24 நாட்டுப்படகுகள் கொண்ட சுமார் 500 பேர் கொண்ட சிறிய மீனவர் படைதான் இதனை செய்தது.

பின்னர் 10.4.1996 முதல் இரு பெண்கள் உள்ளிட்ட 16 பேர் காலவரையற்ற உண்ணாவிரதம் இருந்தனர். அரசின் சார்பில் 18.4.1996 முதல் ஸ்டெர்லைட் நிறுவனத்தின் கழிவுகள் குழாய்கள் மூலம் கடலில் கலக்கப்படாது என்று உறுதியளிக்கப்பட்டது.

மக்களின் போராட்டம் தீவிரமடைந்ததை அடுத்து 1996 இல் தூத்துக்குடி மாநகரப் பகுதிகளில் பரதவர், நாடார் இடையே திட்டமிட்ட சாதி மோதல்கள் கட்டவிழ்த்து விடப்பட்டது. மாவட்டத்தின் பிற பகுதிகளில் பள்ளர், தேவர் இடையே சாதி மோதல்கள் வீரியமானது. இதன் பிண்ணனியில் பல்வேறு அரசியல் காரணங்கள் இருந்தன.

ஸ்டெர்லைட் எதிர்ப்பு இயக்கம் என்ற - தமிழ்மாந்தன் தலைமையிலான - அமல்ராஜ் என்ற இறையரசு, ராஜேஸ் என்ற கடலரசன், செ.ரெ.வெனி இளங்குமரன், சி.சற்குணம், ம.சான்சன், ம.அன்வர், முத்துராஜ், அ.அருள்ராஜ் ஆகியோரைக் கொண்ட அமைப்பு 20.7.1996 அன்று நடத்திய ஸ்டெர்லைட் மாநாட்டில் திரளான மக்கள் கலந்து கொண்டு எதிர்ப்புகளை பதிவு செய்தனர்.

சாதியின் பெயரால் பிரிந்து கிடந்த மக்களின் ஒற்றுமையின்மையை பயன்படுத்தி கொச்சியில் இருந்து லாரிகள் மூலம் தாமிரத் தாதுக்கள் கொண்டு வரப்பட்டதோடு, 19.10.1996 இல் எம்.வி.பரங்கவி என்ற கப்பல் தூத்துக்குடி துறைமுகத்துக்கு நேரிடையாகவே தாமிரத்தாதுவை சுமந்து வந்து சேர்ந்தது. இதற்கு எதிர்ப்பு தெரிவித்து துறைமுகத் தொழிற்சங்கத் தலைவர் சி.பசுபதிபாண்டியன் தலைமையிலான தொழிலாளர்கள் 20.10.1996 முதல் துறைமுகத்தில் சரக்குகளை இறக்க மறுத்துப் போராடினர். 152 விசைப்படகுகள், 36 நாட்டுப் படகுகளில் ஒன்று திரண்ட மீனவர்கள் 24.10.1996 இல் அக்கப்பலை முற்றுகையிட்டு துறைமுகத்தை விட்டே வெளியேற்றினர்.

இதற்கிடையில் 1996 இறுதியில் தமிழக முதல்வரான கருணாநிதி அனுமதி கொடுத்ததால் 1997 முதல் ஸ்டெர்லைட் ஆலை இயங்க ஆரம்பித்தது.

தமிழ்நாடு மாசு கட்டுப்பாடு வாரியம் தடை இல்லா சான்றிதழை 1.8.1994ல் இரு கட்டுப்பாடுகளோடு கொடுத்தது. மன்னார் வளைகுடாவிலிருந்து 25 கிலோ மீட்டருக்கு அப்பால் தொழிற்சாலை நிறுவப்பட வேண்டும். தொழிற்சாலையைச் சுற்றி 250 மீட்டருக்கு பசுமை வளையம் உருவாக்க வேண்டும். ஆனால் ஆலை 14 கி.மீ. தொலைவில் அமைந்துள்ளது. பசுமை வளையம் குறிப்பிட்ட அளவில் அமைக்கவில்லை.

மத்திய சுற்றுச்சூழல் அமைச்சகத்தின் தடையில்லாச் சான்று இல்லாமல் ஸ்டெர்லைட் ஆலைக்கு அனுமதி வழங்கப்பட்டுள்ளது.

14.10.1996ல் தமிழ்நாடு மாசு கட்டுப்பாட்டு வாரியம் 40,000 டன் உற்பத்தி செய்ய அனுமதி வழங்கியது. ஆனால் ஸ்டெர்லைட் தொழிற் சாலையில் 1,70,000 டன் தாமிரம் உற்பத்தி செய்யப்பட்டது.

ஸ்டெர்லைட் எதிர்ப்பு இயக்கத்தின் சார்பாக ‘தூய சுற்றுச் சூழலுக்கான தேசிய அறக் கட்டளை’ என்ற அமைப்பின் வழக்குரைஞர் வி.பிரகாஷ் 7.11.1996 இல் சென்னை உயர்நீதிமன்றத்தில் வழக்குத் தொடுத்தார். அவ்வழக்கில் மதிமுக பொதுச்செயலாளர் வைகோ, சி.பி.எம். கனகராஜ், சி.பி.ஐ.அப்பாத்துரை உள்ளிட்டோர் தங்களையும் இணைத்துக் கொண்டனர்.

இதற்கிடையில் 5.7.1997 அன்று ஸ்டெர்லைட் ஆலையில் ஏற்பட்ட நச்சு வாயுக் கசிவால் அருகிலுள்ள ரமேஷ் பிளவர்ஸ் நிறுவனத்தில் 165 பெண் தொழிலாளர்கள் மயங்கி விழுந்தனர். அதில் சிலருக்கு கருச்சிதைவு ஏற்பட்டது. அடுத்து 2.3.1999 அன்று அகில இந்திய வானொலி நிலையப் பணியாளர்கள் 11 பேர் ஸ்டெர்லைட் நச்சு வாயுக் கசிவால் மயங்கி விழுந்தனர்.

நீதிமன்ற வழிகாட்டுதலின்படி டாக்டர் கண்ணா தலைமையில் நீரி அமைப்பினர் 1998 இல் ஆய்வு செய்து நீதிமன்றத்தில் அறிக்கை கொடுத்தனர். அதனடிப்படையில் நடந்த விவாதத்தின் முடிவாக 23.11.1998 அன்று ஸ்டெர்லைட் ஆலையை மூடுவதற்கு சென்னை உயர் நீதிமன்றத்தின் நீதியரசர்கள் லிபரான், பத்மநாபன் குழு உத்தரவிட்டது. அதன் பின்னர் நீதியரசர் அகர்வால் தலைமையிலான அமர்விற்கு வழக்கு மாற்றப்பட்டு 25.12.1998 அன்று ஸ்டெர்லைட் ஆலை மீண்டும் இயங்க நீதிமன்றம் உத்தரவு பிறப்பித்தது.

நாக்பூர் நீரி நிறுவனம், 1998-ஆம் ஆண்டு ஸ்டெர்லைட் நச்சு ஆலை சுற்றுப்புறச் சூழலுக்கும், நிலம், நீர், காற்று மண்டலத்திற்கும் பெரும் பாதிப்பை ஏற்படுத்தும் என்று ஆய்வு அறிக்கை தந்து இருந்தது. 1999-ஆம் ஆண்டில் பல்டியடித்த நீரி நிறுவனம், 2003-ஆம் ஆண்டில் ஸ்டெர்லைட் நிறுவனத்திற்கு ஆதரவாக ஆய்வு அறிக்கை தந்தது. இதற்கு காரணம் 1998 நவம்பர் அறிக்கைக்கு பின்னர் 1.22 கோடி ரூபாய் நீரி அமைப்பில் உள்ள அறிவியலாளர்களுக்கு ஆலோசனைக் கட்டணமாக ஸ்டெர்லைட் வழங்கியுள்ளது.

தமிழ்நாடு மாசு கட்டுப்பாட்டு வாரியத்தின் அனுமதிக்கப்பட்ட விதிப்படி ஆண்டுக்கு 1,36,850 டன்னை மட்டுமே இந்த ஆலை உற்பத்தி செய்ய வேண்டும். ஆனால், 2003 டிசம்பரில் வேதாந்தா குழுமம் லண்டன் பங்குச் சந்தையில் தனது குழும நிறுவனங்களை பட்டியலிட்டபோது ஆண்டுக்கு 1,80,000 டன் உற்பத்தி செய்வதாக தெரிவித்தனர். இது விதியை மீறிய செயல் ஆகும்.

21.9.2004 இல் முனைவர் தியாகராசன் தலைமையிலான உச்ச நீதிமன்ற ஆய்வுக் குழு ஸ்டெர்லைட் தொழிற்சாலையை ஆய்வு செய்தது. அப்போது அனைத்து விதிகளும் மீறப்பட்டிருப்பது கண்டுபிடிக்கப்பட்டது.

தற்போது உள்ள உற்பத்தி திறனுக்கு ஏற்ற அளவு கழிவுகளை சுத்திகரிக்கவும், பராமரிக்கவும் தேவையான கட்டமைப்பு இந்த ஆலையில் இல்லை. ஆதலால் இந்த ஆலையின் விரிவாக்கப் பணிகளுக்கு சுற்றுச்சூழல் அமைச்சகம் இசைவு அளிக்கக்கூடாது என்றும், முன்னரே இசைவு அளித்திருப்பின் அதை திரும்பப் பெறுமாறும் உச்ச நீதிமன்றத்தின் குழு அறிவுறுத்தியது. ஆனால், மறுநாளே 22.9.2004 மத்திய சுற்றுச்சூழல் அமைச்சகம் விரிவாக்கத்திற்கு அனுமதி கொடுத்தது.

2004 நவம்பரில் தமிழ்நாடு மாசு கட்டுப்பாட்டு வாரியம் அமைத்த குழு ஸ்டெர்லைட் ஆலையில் உரிமம் அளிக்கப்பட்டுள்ள 70,000 டன்கள் ஆனோடை விட அதிகமாக, அதாவது 1,64,236 டன்கள் ஆனோடை ஸ்டெர்லைட் ஆலை உற்பத்தி செய்துள்ளது. இரு உருளைவடிவ தாங்கு உலைகளையும், கழிவுகளை தூய்மை செய்யும் ஓர் உலையையும், ஒரு ஆனோடு உலையையும், ஒரு ஆக்சிஜன் பிரிவையும், ஒரு கந்தக அமிலப் பிரிவையும், ஒரு காஸ்டர் பிரிவையும், ஒரு கன்வெர்டரையும் எவ்வித அனுமதியும் பெறாமல் கட்டியுள்ளனர். இரண்டு பாஸ்பரஸ் அமில பிரிவுகளும், சுத்திகரிப்பு மற்றும் தொடர்ச்சியான காஸ்டர் ராட் உருவாக்கும் பிரிவும் கட்டப்பட்டு வருவதாகவும் அதற்கும் அனுமதி பெறவில்லை என்றும் அந்த அறிக்கையில் சுட்டிக் காட்டப்பட்டது.

ஆனால், 2005 இல் உச்சநீதிமன்ற ஆய்வுக் குழு இதனையெல்லாம் குறைத்து மதிப்பிட்டு அறிக்கை தயார் செய்தது.

அனுமதியின்றி கட்டப்பட்ட கந்தக அமிலப் பிரிவு தனது உற்பத்தியை 2005 இல் துவக்கியது. அனுமதி அளிக்கப்பட்ட 3,71,000 டன் கந்தக அமில உற்பத்தியைவிட அதிகமாக 5,46,647 டன் கந்தக அமிலம் 2004 ஏப்ரல்- 2005 மார்ச் வரை உற்பத்தி செய்யப்பட்டது. இது உரிமம் வழங்கப்பட்டதை விட 47% அதிகம்.

உச்சநீதிமன்றத்தின் முனைவர் தியாகராசன் தலைமையிலான குழு சட்டத்திற்கு புறம்பாக கட்டப்பட்ட பகுதிகளுக்கு ஒப்புதல் அளிக்குமாறு ஆலோசனை கூறியது.

7.4.2005 இல் சுற்றுச்சூழல் அமைச்சக தலைமை இயக்குநரான முனைவர் இந்திராணி சந்திரசேகர் தமிழ்நாடு மாசு கட்டுப்பாட்டு வாரியத்துக்கு, "உச்ச நீதிமன்ற குழுவின் பரிந்துரைப்படி ஸ்டெர்லைட் ஆலை விரிவாக்கத்துக்கு ஒப்புதல் அளிப்பதற்கு தமிழ்நாடு மாசு கட்டுப்பாட்டு வாரியம் முடிவெடுக்கலாம்” என்று ஆணை பிறப்பித்தார். அதன்படி, 19.4.2005 அன்று தமிழ்நாடு மாசு கட்டுப்பாட்டு வாரியத்தின் தலைவரான முனைவர் கிரிஜா வைத்தியநாதன் விதிமுறையை மீறி கட்டப் பட்ட ஸ்டெர்லைட் ஆலையின் புதிய பிரிவுகளுக்கு அனுமதி அளித்தார்.

பல ஆயிரம் கோடி ரூபாய் வரி ஏய்ப்பு நடந்திருப்பதாக புகார் கூறப்பட்டு வந்த நிலையில் 24.7.2010 அன்று ஸ்டெர்லைட் நிறுவனத்தின் துணைத் தலைவர் வரதராஜன் ரூ.750 கோடி வரிஏய்ப்பு செய்ததாக கைது செய்யப்பட்டார். அப்போது மீண்டும் துவங்கிய போராட்டம் மனித உரிமை பாதுகாப்பு மையம், நாம் தமிழர் அமைப்பு உள்ளிட்ட வழக்குரைஞர்களால் முன்னெடுக்கப்பட்டு வரதராஜன் நீதிமன்ற வளாகத்தில் தாக்கப்பட்டார்.

மதிமுக மாவட்ட செயலாளர் ஜோயல், பேரா.பாத்திமா பாபு முன்னிலையில் தாமிரபரணி பாதுகாப்பு பேரவையின் அமைப்பாளர் நயினார் குலசேகரன் தலைமையில் ஸ்டெர்லைட் எதிர்ப்பு போராட்டக் குழுவினர் 26.7.2010 அன்று தூத்துக்குடி மாவட்ட ஆட்சியர் அலுவலகத்தை இழுத்து மூடி ஆர்ப்பாட்டத்தில் ஈடுபட்டனர்.

நீதிமன்றத்தில் வழக்கு நடைபெற்றுக் கொண்டிருந்த வேளையில் 28.9.2010 அன்று சென்னை உயர் நீதிமன்றத்தில் நீதியரசர் எலிப் தர்மராவ், பால்வசந்தகுமார் தலைமையிலான அமர்வு ஸ்டெர்லைட் தாமிர உருக்கு ஆலையை  நிரந்தரமாக மூட ஆணை பிறப்பித்தது.

இதனை எதிர்த்து ஸ்டெர்லைட் நிர்வாகம் உச்சநீதிமன்றத்தில் மேல் முறையீடு செய்தது. ஆனால், வழக்கை நடத்தாமல் வேதாந்தா குழுமம் இழுத்தடித்தது. 2012 இறுதியில் உச்ச நீதிமன்றத்தில் வாதங்கள் நடைபெற்றன. 2013 ஏப்ரல் முதல் வாரத்தில் இவ்வழக்கில் உச்சநீதிமன்றத்தின் தீர்ப்பு வர இருக்கிறது.

தாமிரம் உற்பத்தி செய்யப்படும்போது சல்பர் டை ஆக்சைடுடன், ஆர்சின் போன்ற வாயுக்களும் வெளியிடப்படுகின்றன. 2000 கிலோ தாமிரம் உற்பத்தி செய்யப்படும் பொழுது 4 கிலோ சல்பர் டை ஆக்சைடு வெளியிடப்படுகிறது. 20 கிலோ தாமிரம் உற்பத்தி செய்யப்படும் பொழுது 0.1 கிலோ துகள்கள் வெளியிடப்படுகின்றன. இவை காற்றை கடுமையாக மாசுபடுத்துகின்றன. தாமிரம் உற்பத்தியின்போது வெளியிடப்படும் கழிவுநீரில் காரீயம், காட்மியம், துத்தநாகம், ஆர்செனிக், பாதரசம் போன்ற உலோகங்கள் உள்ளன. இவை நீரை நேரடியாக மாசுபடுத்துகின்றன. இந்த உலோகங்கள் நச்சுத் தன்மை வாய்ந்தவை. திடக்கழிவுகளில் 0.5-0.7 கிலோ வரை தாமிரம் உள்ளது, ஒரு டன் தாமிரம் உற்பத்தி செய்யப்படும்போது, மூன்று டன் திடக்கழிவு வெளியிடப்படுகிறது. இவை நல்ல நிலங்களில் கொட்டப்படுகின்றன. அதனால் நிலம் பாழாகிறது.

அமெரிக்காவில் வசிக்கும் உலகப் புகழ்பெற்ற சுற்றுச்சூழல் ஆய்வாளார், டாக்டர் மார்க் செர்னைக் என்பவர், ஸ்டெர்லைட் வளாகத்திலும், சுற்றுவட்டாரத்தில் உள்ள கிராமங்களிலும் சேகரிக்கப்பட்ட மண், தண்ணீர், ஸ்டெர்லைட் கழிவுகள் இவற்றின் மாதிரிகளை, சோதனைச் சாலையில் ஆய்வு செய்து தந்த ஆய்வு அறிக்கையில், ”மண்ணும், நீரும் நச்சுத் தன்மை வாய்ந்த உலோகங்களின் தாக்கம் கொண்டு இருப்பதாகவும், கால்நடைகள் செத்துப்போகும், மனிதர்கள் புற்று நோய் போன்ற நோய்களால் பாதிக்கப்படுவார்கள், மனிதர்கள் ஆயுட்காலம் இவற்றால் குறையும்” என்று பல்வேறு புள்ளி விவரங்களுடன் தெரிவித்துள்ளார்.

இந்நிலையில்தான், ஸ்டெர்லைட் ஆலையில் இருந்து 2013 மார்ச் 23 அதிகாலையில் வெளியேறிய கந்தக டை ஆக்சைடு வாயு, காற்று மண்டலத்தில் கலந்து, தூத்துக்குடியில் பல்வேறு பகுதியில் உள்ள மக்கள் சுவாசிக்க முடியாமல், மூச்சுத் திணறலுக்கு ஆளாகினர். கதிர்வீச்சு கலந்து இருந்த இந்த நச்சுக் காற்றால், பனித்துளிகள் படர்ந்து இருந்த செடிகள்,மரங்களின் இலைகளும், பூக்களும், நிறம் மாறி, கருகி உதிர்ந்தன.

அதே நாளில் ஸ்டெர்லைட் ஆலையின் உள்ளே மயக்கமடைந்த பீகார் மாநிலத்தைச் சேர்ந்த கைலாஷ் மேத்தா என்பவர் மருத்துவமனையில் அனுமதிக்கப்பட்டு சிகிச்சை பலனின்றி மரணமடைந்துள்ளார்.

ஸ்டெர்லைட் ஆலை விபத்திற்கான பொறுப்பை ஏற்று, தூத்துக்குடி மாவட்ட நீதிமன்றத்தில் 1997 மற்றும் 1998 இரு ஆண்டுகளில் மட்டும் நான்கு முறை மொத்தம் ஒன்பது லட்சத்து நாற்பதாயிரம் அபராதம் கட்டியுள்ளனர்.

1994 முதல், 2004 க்கு இடைப்பட்ட காலங்களில் நடந்த விபத்துகளில், 139 தொழிலாளர்கள் படுகாயமுற்று உள்ளனர். 13 பேர் இறந்து உள்ளனர். கடந்த இரண்டு வருடங்களில் மட்டும் பத்துக்கும் மேற்பட்ட நபர்கள் மர்மமாக இறந்துள்ளனர்.

அமெரிக்காவில், 1890 ஆம் ஆண்டு, வாஷிங்டனுக்கு அருகில் அமைக்கப்பட்ட அசார்கோ (Asarco) எனும் தாமிர ஆலை, மக்கள் எதிர்ப்பால், 1984 இல் மூடப்பட்டது. கொள்ளை இலாபம் இந்த ஆலையில் கிடைக்கிறது என்பதால், அமெரிக்காவிலும், சிலியிலும் பயனற்றது என்று தூக்கி எறியப்பட்ட பழைய இயந்திரங்களையும், 70 ஆண்டுகளுக்கு முற்பட்ட பழைய தொழில்நுட்பத்தையும் கொண்டு, தமிழ்நாட்டில் இந்த ஸ்டெர்லைட் ஆலை அமைக்கப்பட்டுள்ளது.

தாமிரபரணியில் இருந்து முறைகேடாக, திருவைகுண்டம் அணைக்கட்டிற்கு முன்னதாகவே ஸ்டெர்லைட் ஆலை குழாய் மூலம் தண்ணீர் எடுத்து வருகின்றது. தமிழகத்தில் புற்றுநோயால் பாதிக்கப்படும் நபர்கள் அதிகம் சிகிச்சை பெறுவது தூத்துக்குடி அரசு மருத்துவக் கல்லூரி மருத்துவமனையில்தான். சிறுநீரக கோளாறால் பாதிக்கப்படுபவர்கள் எண்ணிக்கையிலும் தூத்துக்குடி மாவட்டம்தான் தமிழகத்தில் முதலிடம் வகிக்கின்றது.

தூத்துக்குடி மாநகரிலும், சுற்றியுள்ள பகுதியிலும் குழந்தைகளுக்கு நோய் தாக்குதல் அதிகரித்து வருகின்றது. சுவாசக் கோளாறு, புற்று நோய், கண் எரிச்சல், நுரையீரல் சார்ந்த வியாதிகள், மலட்டுத் தன்மை மற்றும் சிறுநீரகம் சார்ந்த நோய்கள் தூத்துக்குடியில் அதிகரித்து வருவதற்கு காரணகர்த்தாவாக ஸ்டெர்லைட் தொழிற்சாலைதான் உள்ளது.

ஸ்டெர்லைட் ஆலையின் ஸ்லாக் எனப்படும் கருப்பு கழிவுகள், வெள்ளைநிற ஜிப்சம் ஆகிய கழிவுகள் அகற்றப்படாமல் குவிக்கப்பட்டு வருவதோடு, கழிவுகளைக் கொண்டு சாலைகள் அமைத்து வருவது, கிராமங்களில் கொட்டுவது, நீர் நிலைகளில் கொட்டுவது என்று சூழல் சீர்கேட்டினை ஏற்படுத்தி வருகின்றது ஸ்டெர்லைட் ஆலை. இந்தக் கழிவுகளால் பொதுமக்கள் நேரடியாக பாதிக்கப்படுகின்றனர்.

தெற்கு வீரபாண்டியபுரம் மற்றும் அதைச் சார்ந்த அ.குமாரரெட்டியார்புரம், காயலூரணி ஆகிய கிராமங்களில் நிலத்தடிநீர் விஷ நீராக மாறிவிட்டது. இதுகுறித்து மஞ்சள் நீர் காயலில் உள்ள தமிழ்நாடு குடிநீர் வடிகால் வாரியம் சான்றிதழ் மூலம் தெரியபடுத்தியுள்ளது.

மத்திய அரசின் நகர்புற மேம்பாட்டு அமைச்சகம் ஆய்வின்படி சுற்று சூழலிலும், நிலத்தடி நீர் மாசுபாட்டிலும் இந்தியாவில் தொழில் நகரமான தூத்துக்குடி மிக மோசமான நகரம் என்றும், ஆபத்தான நகரம் என்றும் அறிவிக்கப்பட்டுள்ளது. இதற்கு மூல காரணம் ஸ்டெர்லைட் தொழிற்சாலை. அதனால் தங்களது உயிர் காக்க, தலைமுறைகள் தழைக்க, மக்கள் தொடர் போராட்டங்களில் ஈடுபட்டு வருகின்றனர்.

தூத்துக்குடியில் ஸ்டெர்லைட், சத்திஸ்கரில் பால்கோ, ஒரிசாவில் வேதாந்தா அலுமினியம் கோவாவில் சேசா கோவா என்று இந்தியாவையே வளைத்துப் போட்டிருக்கும் வேதாந்தா குழுமம் இந்திய அரசியல் கட்சிகளுக்கு 2011 ஆம் ஆண்டில் $2.01 மில்லியனும் (சுமார் ரூ 11 கோடி), கடந்த (2010 -2012) மூன்று ஆண்டுகளில் மொத்தம் $5.69 மில்லியனும் (சுமார் ரூ 28 கோடி) நன்கொடையாக கொடுத்திருக்கிறது. நாடாளுமன்ற தேர்தல் நடந்த 2009-10-ம் ஆண்டில் வேதாந்தாவிடமிருந்து $3.66 மில்லியன் பணத்தை பெற்றிருக்கின்றன இந்திய அரசியல் கட்சிகள்.

ஆளும் காங்கிரஸ் கட்சிக்கும், எதிர்க் கட்சியான பாரதீய ஜனதா கட்சிக்கும் வேதாந்தா தொடர்ந்து நன்கொடைகளை வழங்கி வந்திருக்கிறது. இந்துத்துவா குழுக்களால் நடத்தப்படும் லண்டனில் இருக்கும் கிருஷ்ணா அவந்தி தொடக்கப் பள்ளிக்கும் வேதாந்தா நிதி அளிக்கிறது. வேதாந்தாவின் ஸ்டெர்லைட் நிர்வாக இயக்குநராக கடந்த 2004 ஆம் ஆண்டு வரை ப.சிதம்பரம் பதவி வகித்து வந்தார். அதனால் பெரிய அளவில் அரசியல் நெருக்கடி ஏதுமின்றி தொடர்ந்து தப்பித்து வருகின்றது ஸ்டெர்லைட் ஆலை.

எனினும் மக்கள் மன்றத்தில் தீர்ப்புகள் எழுதப்படும் போது பதில் சொல்லித்தானே ஆக வேண்டும்.

- ஜெ.பிரபாகர் ( jprabakar@gmail.com)

(நன்றி : ஸ்டெர்லைட் எதிர்ப்பு இயக்கம், கடலோர மக்கள் கூட்டமைப்பு, ஸ்டெர்லைட் எதிர்ப்பு போராட்டக் குழு, பூவுலகின் நண்பர்கள்)

டாக்டர் கிருஷ்ணசாமி - மானத்தை துறந்த ஒரு இனத் துரோகி

Written By DevendraKural on Tuesday, 13 March 2018 | 05:42

தமிழ்நாடே போராட்டங்களால் குலுங்கிக் கொண்டு இருக்கின்றது. தமிழகத்தின் உரிமைகள் அனைத்தையும் பார்ப்பன பிஜேபி அரசு திட்டமிட்டு பறித்து, தமிழகத்தின் மீதும், தமிழர்கள் மீதும் தான் கொண்டுள்ள வரலாற்று திராவிட வெறுப்பை கொட்டித் தீர்த்துக் கொண்டு இருக்கின்றது. தமிழ்நாட்டை பீகாரைப் போலவோ, இல்லை ஒரிசாவைப் போலவோ பஞ்சம், பட்டினி நிறைந்த வாழ்வதற்கே தகுதியற்ற மாநிலமாக மாற்ற தன்னால் ஆன அனைத்துச் சதி வேலைகளையும் செய்து கொண்டு இருக்கின்றது. ஒட்டு மொத்த தமிழக மக்களின் உணர்வுகளையும், கோரிக்கைகளையும் பார்ப்பன தேசியத்திற்கு எதிரான தேசவிரோதச் செயலாக சித்தரித்து, அவர்களை அழித்தொழிக்க கங்கணம் கட்டிக்கொண்டு செயல்பட்டுக்கொண்டு இருக்கின்றது. இந்நேரம் தமிழ்நாட்டிற்கு எதிராக செயல்பட்டுக் கொண்டு இருக்கும் மத்திய அரசின் அனைத்து அரசு உறுப்புகளையும் முடக்கிப் போட்டிருக்க வேண்டிய எதிர்க்கட்சிகள், பாம்பும் சாகாமல் தடியும் ஒடியாமல் தங்கள் போராட்டங்களை நடத்திக் கொண்டு வருகின்றார்கள். இன எதிரிகளுக்கு எதிராக இருக்க வேண்டிய தார்மீகக் கோபம் அவர்களிடம் கடமைக்காக மட்டுமே எட்டிப்பார்த்துவிட்டு போகின்றன.
dr krishnasamy 309
கட்சிக்கு ஒரு தமிழினத் தலைவன் இருக்கின்றான். ஆனால் எந்த ஒரு தமிழினத் தலைவனும் தன் இனம் கண்முன்னாலேயே பார்ப்பன நயவஞ்சகத்தால் அழிக்கப்பட்டுக் கொண்டிருப்பதற்கு எதிராக தீரம் மிக்க நடுங்க வைக்கும் போராட்டங்களை செய்யத் திராணியற்றுக் கிடக்கின்றார்கள். இந்த இடைவெளியைத்தான் பார்ப்பனியம் நன்றாகப் பயன்படுத்திக் கொண்டு எலும்புத்துண்டுக்கு நாக்கை தொங்கப் போட்டுக் கொண்டு, சதா சர்வகாலமும் அலையும் அடிமை நாய்களை விலைபேசி வாங்கி, தமிழினத்திற்கு எதிராக செயல்பட தூண்டிவிட்டுக் கொண்டு இருக்கின்றது. அந்த வரிசையில் பார்ப்பன இனத் துரோகிகள் தூக்கி எறிந்த எலும்புத்துண்டை வாயில் கவ்வியபடி இன்று ஒட்டுமொத்த தமிழகத்தையும் அழிக்க, தீயாக வேலை செய்துகொண்டு இருக்கின்றார் டாக்டர்.கிருஷ்ணசாமி.
இப்படி எந்தவித தன்மான உணர்வும் ,சுயமரியாதை உணர்வும் அற்ற மனிதரை இதற்கு முன் தமிழகம் பார்த்திருக்குமா என்று தெரியவில்லை. 1176 மதிப்பெண்கள் பெற்று உச்சநீதி மன்றம்வரை சென்று நீட் நுழைவுத்தேர்வுக்கு எதிராகப் போராடி இறுதியில் பார்ப்பன பிஜேபி அரசின் துரோகத்தால் ஏமாற்றப்பட்டு, தன் கனவுகள் தன் கண்முன்னாலேயே அழிந்து போனதைத் தாங்கிக் கொள்ள முடியாமல் தன் வாழ்க்கையை முடித்துக் கொண்ட அனிதாவுக்கு எதிராக, விஷம் கக்கும் அவதூறுப் பிரச்சாரங்களை தொடர்ந்து வெளியிட்டு வருகின்றார். இதன் உச்சமாக பதவிக்காக தமிழகத்தின் உரிமைகளை பார்ப்பன பிஜேபியிடம் அடகு வைத்த இனத் துரோகி எடப்பாடி பழனிசாமியிடம் அனிதாவின் மரணத்தைப் பற்றி விசாரணைக்கு உத்திரவிட வேண்டும் என்ற கோரிக்கை மனுவை அளித்திருக்கின்றார். ஏற்கெனவே அனிதாவை உச்சநீதி மன்றத்தில் அனுதாபத்தை ஏற்படுத்துவதற்காக சிலர் பயன்படுத்தி இருக்கின்றார்கள் என்று குற்றம் சாட்டினர். குறிப்பாக பொதுப்பள்ளிக்கான மாநில மேடையின் பொதுசெயலாளர் பிரின்ஸ் கஜேந்திரபாபு அவர்களையும், திமுக மாவட்டச் செயலாளர் எஸ்.எஸ். சிவசங்கரன் ஆகியோரையும் அவர் குற்றம் சாட்டியிருந்தார். இவர்கள் கொடுத்த அழுத்தம் காரணமாகவே அனிதா உயிரிழந்துள்ளார் என்றும், இது தொடர்பாக தான் உள்துறை அமைச்சகத்துக்கு சி.பி.ஐ விசாரணை வேண்டும் என்று கடிதம் எழுதப் போவதாகவும் கூறியிருந்தார்.
எட்டப்பன்களையும், விஜயரகுநாதத் தொண்டைமான்களையும் பாடத்திட்டத்தில் மட்டுமே படித்திருக்கும் இன்றைய தலைமுறைக்கு அவர்கள் எப்படி இருந்திருப்பார்கள் என்பதற்கு நிகழ்கால உருவமாக கிருஷ்ணசாமி இருக்கின்றார். இட ஒதுக்கீட்டுக்கு எதிராகவும், நீட் தேர்வுக்கு ஆதரவாகவும் பேசும் இந்த மானங்கெட்ட பிழைப்புவாதி தன் மகளுக்கு ஜெயலலிதாவின் காலில் விழுந்து, மருத்துவக் கல்லூரியில் சீட் வாங்கியது, தற்போது தோழர் பாலபாரதி அவர்களால் ஆதாரப்பூர்வமாக அம்பலப்படுத்தப்பட்டுள்ளது. "அனிதாவின் மரணம் குறித்து பிரேதப் பரிசோதனை அறிக்கை வந்துவிட்டதா? காவல்துறை விசாரணை முடிந்துவிட்டதா? எம்.பி.பி.எஸ் படிப்புக்கு இடம் கிடைக்காவிட்டால் அவர் வேறு படிப்பை படித்திருக்கலாம்” என்று நாக் கூசாமல் பேசத் தெரிந்த கிருஷ்ணசாமி, தோழர் பாலபாரதி முன்வைத்திருக்கும் இந்தக் குற்றச்சாட்டை எதிர்கொள்ளத் திராணியற்று ஊடகங்கள் முன் ஒரு புழுவைப் போல நெளிகின்றார்.
தன் மகள் குறைவான மதிப்பெண் எடுத்திருந்தாலும் தனக்கிருக்கும் அரசியல் செல்வாக்கைப் பயன்படுத்தி ஜெயலலிதாவின் காலை நக்கி சீட் வாங்கலாம், அது தவறு கிடையாது. ஆனால் எந்தவித வாய்ப்புகளும் அற்ற, ஒடுக்கப்பட்ட சமூகத்தைச் சேர்ந்த அந்த ஏழை மாணவி தனக்கான வாய்ப்புகள் மறுக்கப்படும்போது மட்டும் உச்சநீதி மன்றத்தின் கதவுகளை தட்டக்கூடாது; அது மாபெரும் தவறு!. இதுதான் பார்ப்பன அடிவருடி கிருஷ்ணசாமியின் நிலைபாடு. தன்சாதி மக்களாலே புறக்கணிக்கப்பட்டு, தோற்கடிக்கப்பட்ட கிருஷ்ணசாமி மட்டும் எதற்காக அரசியல் கட்சி நடத்த வேண்டும்? கிருஷ்ணசாமி ஏதோ மருத்துவகல்லூரி தொடங்குவதற்குதான் இப்படி பார்ப்பன பிஜேபியை நக்கிப் பிழைக்கின்றார் என்று சொல்லிக் கொள்கின்றார்கள். அது உண்மையோ, பொய்யோ நமக்குத் தெரியாது. ஒருவேளை உண்மையாக இருக்கும் பட்சத்தில் அவர் மருத்துவக் கல்லூரி நடத்துவதைவிட விபச்சார விடுதி நடத்தவே முழு தகுதியானவர் என்பதுதான் ஒட்டுமொத்த தமிழர்களின் கருத்தாக இருக்கின்றது. அரசியல் வரவில்லை என்றால் என்ன புரோக்கர் வேலைதான் நன்றாக வருகின்றதே!
ஒரு மனிதன் இதற்குமேல் கீழ்த்தரமாக நக்கிப் பிழைக்க முடியாது என்பதை கிருஷ்ணசாமி தொடர்ந்து நிரூபித்து வருகின்றார். இவருக்கு இங்கிருக்கும் அர்ஜுன் சம்பத் போன்ற பார்ப்பன மலம் தின்னிகள் உட்பட காவிக்கூட்டங்களின் ஆதரவு தொடர்ந்து கிடைத்து வருகின்றது. எவன் எவன் எல்லாம் பார்ப்பனியத்தைக் காப்பாற்ற கூட்டிக்கொடுக்கவும் தயங்காமல் தமிழகத்தில் வாழ்கின்றானோ, அவன் எல்லாம் ஒருமித்த குரலில் இந்தக் கிருஷ்ணசாமியை ஆதரிக்கின்றார்கள், நீட் தேர்வை ஆதரிக்கின்றர்கள். நமக்கு ஏற்படும் வருத்தம் எல்லாம் பெரியார் இருந்திருந்தால் இந்தப் பிரச்சினையை இப்படித்தான் கையாண்டிருப்பாரா என்பதுதான். இந்நேரம் எத்தனை ஆயிரம் மக்களை ஒன்று திரட்டி சிறையை நிரப்பி இருப்பார்? மாநில அரசையும், மத்திய அரசையும் மண்டியிடச் செய்திருப்பார். தமிழகத்தையே போராட்டக் களமாக அல்லவா மாற்றியிருப்பார்! ஆனால் அவரின் பெயரைச் சொல்லி அரசியல் கட்சி நடத்தும் திமுக போன்றவை தீவிரமான போராட்டத்தை முன் எடுப்பதற்குப் பதிலாக அனைத்துக்கட்சி கூட்டம், பொதுக்கூட்டம் என உப்புக்கு சப்பில்லாத வேலைகளை செய்துகொண்டு இருக்கின்றார்கள்.
ஜல்லிக்கட்டுக்காக போராடி, அதை வென்றெடுத்து ஆண்ட பரம்பரைகளின் மானத்தைக் காப்பாற்றிய கட்சிகள், இப்போது அதுபோன்ற ஒன்றை நிகழ்த்திக் காட்ட களம் இறங்க ஏன் மறுக்கின்றன என்பது பெரிய கேள்வியாக உள்ளது. மக்களின் கோபத்தை பிரதிபலிக்காத கட்சிகள் நிச்சயம் அந்த மக்களிடம் இருந்து தனிமைப்படுத்தப்பட்டு அழிந்துபோகும் என்பது உறுதி.
சமூக நீதியில் இந்தியாவிற்கே முன்மாதிரி மாநிலமாகத் திகழ்ந்த தமிழ்நாட்டை பதவிக்காகவும், பணத்திற்காகவும், தங்களின் அதிகார முறைகேடுகளில் இருந்து தப்பித்துக் கொள்ளவும், வெட்கம்கெட்ட முறையில் அடகுவைத்து அதிமுக கொள்ளைக் கும்பல் ஆட்சி நடத்திக்கொண்டு இருக்கின்றது. ஒட்டுமொத்த தமிழகமும் காறி உமிழ்ந்தாலும் எந்தவித சலனமும் அற்று ஒரு மானங்கெட்ட திருட்டு கும்பலுக்கே உரிய மழுங்குணித்தனத்தோடு ஆட்சி நடத்திக் கொண்டு இருக்கின்றது.
அனிதாவின் தற்கொலை குறித்து விசாரணை செய்ய வேண்டும் என கிருஷ்ணசாமி சொல்கின்றார். இதில் விசாரணை செய்வதற்கு என்ன இருக்கின்றது? அனிதா நிச்சயம் தற்கொலை செய்துகொள்ளவில்லை. அனிதா பச்சை படுகொலை செய்யப்பட்டுள்ளார் என்பதுதான் உண்மை. அந்தக் கொலையை செய்தது பிஜேபி கும்பல், அந்தக் கும்பலுக்கு பயந்துகொண்டு அடிமைகளாக வாழும் அதிமுக குற்றக்கும்பல், சாமானிய மக்களின் வாழ்க்கை நிலையைப் பற்றி என்றுமே அறிந்து கொண்டிராத தொந்தி பார்ப்பன பூணூல் கும்பலால் நிரம்பி வழியும் உச்சநீதி மன்ற மனுநீதிவாதிகள், எதற்காக உயிர் வாழ்கின்றோம் என்றே தெரியாமல் தன்மானத்தையும் ,சுயமரியாதையையும் இழந்து கூட்டிக்கொடுக்கவும் தயங்காத இனத் துரோகிகளாக வாழும் கிருஷ்ணசாமி போன்ற பிழைப்புவாதிகள் என எல்லோரும் சேர்ந்துதான் அனிதாவை படுகொலை செய்திருக்கின்றார்கள். இந்த உண்மை தமிழ்நாட்டில் உள்ள ஒவ்வொரு மானமுள்ள மனிதனுக்கும் தெரியும். இவர்களுக்கான தண்டனை மக்கள் மன்றத்தில் காத்துக் கிடக்கின்றது. நிச்சயம் ஒரு நாள் அனிதாவின் படுகொலைக்கு இவர்கள் அனைவருமே பதில் சொல்லியாக வேண்டியே நிர்பந்தம் வந்தே தீரும்.
- செ.கார்கி

கந்துவட்டி!!

Written By DevendraKural on Monday, 23 October 2017 | 22:30

கந்துவட்டி தடுப்பு சட்டமும்குண்டர் தடுப்பு சட்டமும்...

" அவர் இறந்துவிட்டார் என்று சொன்னதும் ஓடிப் போய் பார்த்தேன். நான் அதை பார்த்திருக்கக் கூடாது. அவர்தூக்கு மாட்டிய மின் விசிறி என் கண்களுக்கு சினிமா ரீல் மாதிரி தெரிந்தது. தூக்கு போட்ட அங்கவஸ்திரம்சினிமா பிலிம் மாதிரி இருந்தது. அவர் மண்டியிட்டிருந்த நிலையைப் பார்க்கும்போது இந்த நிலை யாருக்கும் வரக்கூடாது என்று தோன்றியது "

இப்படி பேசியது யார் தெரியுமா சூப்பர் ரஜினிகாந்த் தான். பிரபல இயக்குநரும், தயாரிப்பாளருமான ஜி.வி என்ற  ஜி.வெங்கடேஸ்வரன் 2003ம் ஆண்டு கந்துவட்டிக்கும்பலால் தற்கொலை செய்து கொண்ட போது திரைப்பட தயாரிப்பாளர் சங்கம் சார்பில் நடந்த இரங்கல் கூட்டத்தில் தான் இப்படி ரஜினி பேசினார்.  ஆனால், தற்போது  ஒரு பெண், 2 குழந்தைகள்  கலெக்டர் அலுவலகத்தில் சுடர்விடும் நெருப்பென எரிந்து செத்துப் போனார்கள். சூப்பர் ஸ்டார்களோ, கலைஞானிகளோ ஓடோடி போகவில்லை.

கொடி கட்டிப் பறக்கும் கந்துவட்டி தொழில்
======================================
தமிழகத்தில் கந்துவட்டி தொழிலால் ஏராளமான குடும்பங்கள் தற்கொலை செய்து கொண்டுள்ளன. பலர் கொலை செய்யப்பட்டுள்ளனர். பல ஆயிரம் குடும்பங்கள் ஊரை விட்டு தலைமறைவாகியுள்ளன. பல பெண்கள் பாலியல் பலாத்காரம் செய்யப்பட்டுள்ளனர். பலருடைய சொத்துக்கள் கபளீகரம் செய்யப்பட்டுள்ளன. எண்ணற்றோர் தற்கொலை செய்து கொண்டுள்ளனர்.

தமிழகத்தின் பிரபலமான தயாரிப்பாளர் .ஜி.வி கந்துவட்டி கொடுமையால் தற்கொலை செய்து கொண்டது போலவே, நெல்லையைச் சேர்ந்த இசக்கி முத்து குடும்பத்தை சேர்ந்த மூவர் தீக்குளித்து இறந்து போய் உள்ளனர்.


கந்து வட்டி தடைச் சட்டம்
========================

தமிழகத்தில் 2003ல் கந்து வட்டி தடைச் சட்டம் கொண்டு வரப்பட்டது.  இச்சட்டம் ஓரளவு ஜெயலலிதா ஆட்சியின் போது அமலில் இருந்து உண்மை தான். ஜி.வி. தற்கொலை செய்து
கொண்டதன் பின்னனியில் தென்மாவட்டத்தை சேர்ந்த பெரும்புள்ளி பின்னிருந்ததாக பரபரப்பாக பேசப்பட்டது.

இதை மையப்படுத்தி மதுரையில் நடக்கும் கந்துவட்டி கும்பல்கள் குறித்து தீக்கதிரில் நான் எழுதிய ஒரு கட்டுரையைத் தொடர்ந்து பலர் மீது வழக்கும் தொடுக்கப்பட்டது.

நீதிபதியின் கடிதம்
==================
ஆனால், இச்சட்டம் முழுமையாக அமலாகவில்லையென்பதே நிதர்சமான உண்மை. கடந்த 2013ம் ஆண்டு  அப்போதைய தலைமை நீதிபதியாக இருந்த ராஜேஷ்குமார் அகர்வாலுக்கு சென்னை உயர்நீதிமன்ற நீதிபதி கிருபாகரன் ஒரு கடிதம் எழுதினார்.

அந்த கடிதத்தில், " தமிழ் நாளிதழில் திருப்பூர் மாவட்டத்தில் கந்து வட்டி கொடுமையால் பாதிக்கப்பட்டவர்கள் குறித்து செய்தி வெளியாகியுள்ளது.  எனவே, தமிழகத்தில் 2003ம் ஆண்டு இயற்றப்பட்ட தமிழ்நாடு கந்துவட்டி தடுப்பு சட்டத்தை தீவிரமாக அமல்படுத்தவும், இந்த சட்டத்தின்கீழ் 2003ம் ஆண்டு முதல் பதிவு செய்யப்பட்ட வழக்குகளின் எண்ணிக்கையை அரசிடம் இருந்து பெறவேண்டும். இந்த கந்துவட்டி கொடுமை குறித்து தகுந்த நடவடிக்கையை  உயர்நீதிமன்றம் மேற்கொள்ள வேண்டும்" என வலியுறுத்தியிருந்தார்.

இந்த கடிதத்தையே பொதுநல மனுவாக தாமாக முன்வந்து பதிவு செய்த தலைமை நீதிபதி ராஜேஷ்குமார் அகர்வால், இதுகுறித்து பதிலளிக்கும்படி தலைமை செயலாளர், உள்துறை செயலாளர், டிஜிபி, திருப்பூர் மாவட்ட போலீஸ் சூப்பிரண்டு ஆகியோருக்கு நோட்டீசு அனுப்பினார். மேலும், இந்த வழக்கில் ஐகோர்ட்டுக்கு உதவும் விதமாக மூத்த வக்கீல் ஆர்.முத்துகுமாரசாமியை நியமித்தும் உத்தரவிட்டார்.அவரும் ஒரு அறிக்கையை தாக்கல் செய்தார்.

இந்த அறிக்கையை ஏற்றுக்கொண்ட நீதிபதிகள் பிறப்பித்த உத்தரவு மிக மிக முக்கியமானது.

குண்டர் தடுப்பு சட்டம்
======================
கந்துவட்டி குறித்து புகார் வந்தால் போலீசார் தீவிரமாக நடவடிக்கை எடுப்பதாக அரசு பிளீடர் எஸ்.டி.எஸ்.மூர்த்தி  கூறினார். ஆனால், கந்து வட்டி கும்பல் கடன் தொகையை வசூலிக்க குண்டர்களை பயன்படுத்துகின்றனர். இவர்கள் மீது நடவடிக்கை எடுக்காமல், போலீசார் வேடிக்கை பார்க்கின்றனர் என்ற குற்றச்சாட்டு உள்ளது.


கந்து வட்டி தடுப்பு சட்டம் குறித்து பொதுமக்கள் மத்தியில் விழிப்புணர்வு ஏற்படுத்தும் விதமாக, அனைத்து வகையான ஊடகங்கள், சினிமா தியேட்டர்கள் மூலம் விளம்பரம் வெளியிட வேண்டும். இதற்காக தன்னார்வ தொண்டு நிறுவனங்களையும் அரசு  பயன்படுத்திக் கொள்ளலாம்..

இந்த கண்காணிப்பு கமிட்டி , கந்து வட்டி தடுப்பு சட்டத்தின்கீழ் பொதுமக்கள் கொடுக்கும் புகார்கள் மீது நடவடிக்கை எடுக்கப்படுகிறதா? இதுபோன்ற புகார் மீது நடவடிக்கை எடுக்காமல் கந்து வட்டி கும்பலுடன், போலீசார் கூட்டு சேர்ந்து செயல்படுகின்றனரா? என்பதை கண்காணிக்காக மாவட்டம் மற்றும் தாலுகா அளவில் கண்காணிப்பு கமிட்டிகளை உருவாக்க அரசு பரிசீலிக்க வேண்டும்.

மேலும், கந்து வட்டி தொழிலில் முக்கிய நபர்களாக செயல்படுபவர்கள் மீது குண்டர் தடுப்பு சட்டத்தின்கீழ் நடவடிக்கை எடுப்பது குறித்தும் தமிழக அரசு பரிசீலிக்க வேண்டும். கந்து வட்டி கொடுமை வழக்குகளின் விசாரணை மாநகர போலீஸ் கமிஷனர்கள், மாவட்ட போலீஸ் சூப்பிரண்டுகள் நேரடி கண்காணிப்பில் நடத்தப்பட வேண்டும்.
அமல்படுத்த வேண்டும்

யார் மீது பாய்ந்தது சட்டம்?
=========================
கந்து வட்டி வழக்கில் கோர்ட்டு மூலம் தண்டனை பெறுபவர்களின் விவரங்களை அவ்வப்போது உயர்நீதிமன்றத்தில் போலீசார் தாக்கல் செய்ய வேண்டும் என்று  நீதிபதிகள் கூறியிருந்தனர்.
ஆனால், தமிழகத்தில் தாலுகா அளவில் கண்காணிப்பு கமிட்டிகள் உருவாக்கப்படவேயில்லை.

அத்தடன், கந்துவட்டி நடத்தும் நபர்கள் மீது  குண்டர் தடுப்பு சட்டம் பாய்ச்சுவதற்குப் பதில் முதல்வர் எடப்பாடி பழனிச்சாமி தலைமையிலான அரசு யார் மீது இந்த சட்டத்தை பயன்படுத்தியது தெரியுமா?

சென்னை மெரினாவில் நினைவேந்தல் நிகழ்ச்சி நடத்த வந்த மே பதினேழு இயக்கம் திருமுருகன் காந்தி, டைசன், அருண்குமார், இளமாறன் ஆகியோர் மீது குண்டர் தடுப்பு சட்ட்ம் பாய்ச்சப்பட்டது. ஓஎன்ஜிசிக்கு எதிராக துண்டுபிரசுரங்களை விநியோகித்த சேலம் மாணவி வளர்மதி மீது குண்டர் சட்டம் பாய்ச்சப்பட்டது. இப்படி உரிமைக்காக போராடும் மக்கள் மீது குண்டர் தடுப்பு சட்டத்தை பாய்ச்சும் தமிழக அரசு, கந்துவட்டி கும்பல் மீது எப்படி இச்சட்டத்தை பாய்ச்சும்?

உயிர் கொடுத்த  தோழர் வேலுச்சாமி
=================================

நாமக்கல் மாவட்டம் பள்ளிப்பாளையம் பகுதியில் கந்து வட்டிக் கும்பலால்  இளம்பெண் பாலியல் பலாத்காரம் செய்யப்பட்டு அதை வீடியோ எடுத்து இணையதளத்தில் வெளியிட்டனர். இக்கொடுமைக்கு எதிராக களத்தில் நின்று போராடிய மார்க்சிஸ்ட் கம்யூனிஸ்ட் கட்சியின் கிளைச் செயலாளர் தோழர் வேலுச்சாமியை   2010 மார்ச் 10ம் தேதி   7 பேர் கொண்ட கந்துவட்டி கும்பல் படுகொலை செய்தது.அத்துடன் இவ்வழக்கில்  முக்கிய குற்றவாளியான ஆமையன், அப்ரூவராக மாறியதால் அதே கும்பல் அவனை தலை துண்டித்து கொலை செய்து காவிரியில் வீசியது.

கந்துவட்டி கும்பலின் கொட்டத்தை அடக்க இதுவரை ஆண்ட தமிழக அரசுகளால் உருப்படியான நடவடிக்கைகள் இல்லை.  இந்த நிலையில் தான் கந்துவட்டிக்கும்பலால் பாதிக்கப்பட்டு  மனதிற்குள் வெம்பிச் சாக முடியாமல் தீயிடம் இசக்கி முத்து குடும்பம் தங்களை ஒப்படைத்தது. 

முன்வந்து வழக்கை எடுக்குமா உயர்நீதிமன்றம்?
============================================

தொலைக்காட்சியில் காட்சிகளைப் பார்க்க பார்க்க நெஞ்சு கொதிக்கிறது. எதுவுமறியாத பிஞ்சு குழந்தைகள் அகல் தீபங்கள் போல எரியும் கொடுமையை காணாச்சகிக்கவில்லை.  பலமுறை கலெக்டரிடம் மனு கொடுத்து நடவடிக்கை எடுக்காததோடு, கந்துவட்டிக்குமபலோடு சேர்ந்து காவல்துறை அதிகாரிகள் மிரட்டியதால் இசக்கி முத்து  இந்த நிலையை எடுத்துள்ளார்.

அவரது மனைவி சுப்புலட்சுமி, குழந்தைகள் மதி ஆருண்யா, அக்‌ஷயா என்கிற பரணிகா  ஆகியோரின்  உயிர் பிரிந்ததற்கு காரணம், உயர்நீதிமன்ற உத்தரவுகளை மதிக்காத தமிழக அரசு தான். காவல்துறையைக் கட்டுப்பாட்டில் வைத்துள்ள முதல்வர் தான் காரணம்.

எனவே, இவ்வழக்கை தானாக முன்வந்து சென்னை உயர்நீதிமன்ற மதுரை கிளை எடுத்து விசாரிக்க வேண்டும். அரசு நிர்வாகத்தை கூண்டில் ஏற்ற வேண்டும். இது எரிந்தவர்களுக்கு மட்டுமல்ல, இனிமேல் எரிய  நினைப்பவர்களுக்கும் நியாயம் சேர்க்கும். செய்யுமா உயர்நீதிமன்றம் ? 
- ப.கவிதா குமார்

அந்தக் கால தீபாவளி! இந்தக் கால தீபாவளி!

Written By DevendraKural on Tuesday, 17 October 2017 | 23:55

அந்தக் கால தீபாவளி! இந்தக் கால தீபாவளி!

அந்தக் கால தீபாவளி! ஃப்ரேம் போட்டோக்கள் செல்ஃபிக்களாக மாறி, கிரீட்டிங் கார்டுகளெல்லாம் வழக்கொழிந்து போன 'மெர்சல்' தீபாவளி காலத்தில் இருக்கிறோம். முன்பு தீபாவளி எப்படியிருந்தது, அதன் அடுத்தடுத்த வெர்சன்களில் என்னென்ன மாற்றங்களாகி இருக்கின்றன என்று மக்களிடம் தீபாவளி ச்சாட் ( chat) செய்தோம். 

            
"ஏழைக் குடும்பங்களில் தீபாவளி, பொங்கலின்போது மட்டுமே இட்லி, இனிப்புகள் புது ஆடைகள் கிடைக்கும். தீபாவளி நெருங்க நெருங்க, அப்பாக்களை பிள்ளைகள் துளைத்தெடுப்பார்கள். புது ஆடை பட்டாசு வாங்க... அவர்களே, தங்கள் நில முதலாளிகளிடம் முன் கூட்டியே முன்பணம் கடனாக கேட்டு வைப்பார்கள். எவ்வளவு முன்னாடியே கேட்டாலும்கூட தீபாவளிக்கு சில நாட்கள், ஏன் சில முதலாளிகள் தீபாவளிக்கு முதல் நாள் தான் பணம் கொடுப்பார்கள்.

இதற்காக அப்பாக்கள், அவர்கள் வீட்டுக்கு தினமும் சென்று காத்துகிடந்து வாங்கி வருவார்கள். பணம் வந்தவுடன் பிள்ளைகளுக்கு மனசெல்லாம் ஒருவித படபடப்பு ஏற்படும். அப்பாக்கள் கையை பிடித்தபடி நகரம் நோக்கி பயணம் செய்வார்கள். எந்த உடையை வாங்குவது என யோசனை பலமாக இருக்கும். அப்போதெல்லாம் ரெடிமேடு கிடையாது. துணியாக எடுத்து தைக்க வேண்டும் என்பதால், டைலர் கடைகளில் கூட்டம் அலைமோதும், அவர்களிடம் கெஞ்சி தீபாவளிக்குள் உடைகளை தைத்து வாங்கி தீபாவளியன்று போட்டுக்கொள்ள படாதபாடுபட வேண்டும். வீடுகளில் புத்தாடை பட்டாசு வந்தாச்சி... அம்மாக்கள் இட்லி மாவரைத்து வைத்திருப்பார்கள்.

தீபாவளி முதல் நாள் இரவு எப்போது விடியும் என, தூக்கமே வராது. நெஞ்சமெல்லாம் படபடப்பாக இருக்கும். இரவு 12 மணிக்கு மேல் ஆங்காங்கே டமால்.. டூமீல்... என்ற வெடிச்சத்தம் கேட்டுக்கொண்டே இருப்பதால் எப்படிங்க தூங்க முடியும். தீப்பெட்டி மண்ணெண்ணெய் விளக்கோடு வெடிவெடிக்க கிளம்பினால், வீட்டில் இருப்பவர்கள், டேய் இன்னும் விடியல... ஏண்டா தூக்கத்தை கெடுக்கிற என மீண்டும், மீண்டும் சத்தம் போடுவார்கள்.
Image result for தீபாவளி


தூக்கம் வராமல் படுக்கையில் புரண்டு, புரண்டு படுத்தப்படியே காத்திருந்து ஒரு வழியாக விடியற்காலை வந்தவுடன் எண்ணெய் தேய்த்து குளித்து புதுசட்டை போட்டுக்கொண்டு கையில் வெடிகளோடு வீதியில் படபடவென வெடிகளை வெடித்து கிளப்புவார்கள். பலத்த சத்தத்தோடு கிளம்பும் புகையை பார்த்து, டேய் பார்த்துடா, கை, கால்ல பட்டுடப்போகுது என சொல்வார்கள். அப்புறம் வெடிக்காத வெடிகளை காலில் தேய்த்து அது வெடிக்கும்போது காலில் காயமும், சுற்றாத சங்கு சக்கரத்தை மீண்டும் கிட்ட போய் கையில் எடுக்க அது சீரிய சீரலில் கையில் காயம், இப்படி எல்லாம் செய்த பிறகு தனது பட்டாசு தீர்ந்ததும், அக்கம் பக்க வீட்டில் பிள்ளைகள் வெடிக்கும் காட்சிகளை வீதிவீதியாக சென்று பார்த்து வியப்படைவது, இப்படிப்பட்ட தீபாவளி கடந்த காலங்களில் ஏராளம். இப்போதெல்லாம் உடைகள் முதல் பலகாரம் வரை எல்லாமே ரெமேட் தான்" என்கிறார் பெரியசாமி.

தீபாவளி பலகாரங்கள்

"இனிப்பு, கார வகைகள் என ஆண்டுக்கு ஒருமுறை தீபாவளியின்போது தான் சாப்பிட முடியும். விவசாய வேலைகளால் அவைகளை ஆரஅமர உட்கார்ந்து அவைகளை செய்ய நேரம் கிடைக்காது. ஆகையால் தீபாவளி ஒருவாரம் முன்பே, முறுக்கு, லட்டு, அதிரசம், சீடை, பொரிவிளங்காய், சோமாசி, ஜிலேபி, காரவத்தல், காரசேவு, சிலேபி என அந்தக் கால காரங்கள்.

கலர் கலரான வகைகளில் இந்தக் காலத்தில் நெய் கேக், குலோப்ஜாம், பாதாம் கோகோ, பாதாரம் குல்கந்த், போலி, பாதுஷா, சோம்பப்புடி கேக் என ஏகப்பட்ட வகைகள் தயாரிக்கப்படுகின்றன.



இப்படிப்பட்ட பல காரங்களை ஒரு குடும்பத்தில் ஒருவரே செய்ய முடியாது. கூட்டுக்குடும்பத்தினர் ஒரே இடத்தில் சேர்ந்து செய்வார்கள். தனிக் குடும்பத்தினரில் உள்ள பெண்கள், அக்கம் பக்கம் உள்ள உறவுப் பெண்களை அழைத்து வந்து செய்வது வழக்கம். அவர்களுக்கு இவர்கள் போய் செய்து கொடுத்து மாற்றாள் உதவி செய்து பலகாரங்களை செய்து குவிப்பார்கள்.

பல நாட்கள் பலகார பரிமாற்றங்கள் உறவுகளுக்குள் அக்கம், பக்கம் வீடுகளுக்குள் நடக்கும். பிள்ளைகளோடு சாப்பாட்டை விட பலகாரங்களே சாப்பாடு பள்ளிக்கு போகும்போது புத்தகப் பைகளில் திண்பண்டங்கள் நிரம்பி வழியும். தலை தீபாவளிக்கு வரும் திருமண தம்பதிகள் பலகாரவகைகளை தின்று திக்குமுக்காடி போவார்கள். குடும்பங்களின் குதூகலம் கும்மாளம் சந்தோஷம் என அந்தக் கால தீபாவளியை மறக்க முடியுமா?", என்கிறார் செம்மணங்கூர் சிந்தாமணி பாட்டி.

இந்தக் கால தீபாவளி

"எல்லாவற்றிலும் அவசரம். துணியாக எடுத்து வைத்து போட நேரமில்லை. ரெடிமேடு கடைகளில் அலைமோதும் கூட்டம், அதேபோல் புதுப்புது பலகார வகைகள் கேள்விப்படாத பெயர்களில் ஸ்வீட், கார வகைகள், எந்த விதமான சுவை இது என நமக்கு உணர முடியாத சுவைகள் என கண்ணைப் பறிக்கும் கலர்கலரான பலகாரங்கள் அடுக்கப்பட்டுள்ளன. வாங்க முண்டியடிக்கும் இக்கால மக்கள் முன் கூட்டியே ஆர்டர் கொடுத்து பலகாரம் செய்து வாங்கும் பெரிய பெரிய குடும்பத்தினர்கள். இதை இல்லாமல் தீபாவளிக்கு என சீட்டு பிடித்து அதன் மூலம் தீபாவளிக்கு இனிப்பு, பட்டாசு, புத்தாடை வழங்கும் சீட்டு கம்பெனிகள், வீதிக்கு வீதி முளைத்துள்ளன. (இதிலே பணம் கட்டி ஏமாற்றியவர்களும், ஏமாந்தவர்களும் ஏராளம்).



சென்னை போன்ற பெருநகரங்களில் இருந்து தீபாவளி விடுமுறைக்கு சொந்த ஊர்களுக்கு சென்று திரும்புவதற்குள் பாடாய் படுத்தும் போக்குவரத்து நெருக்கடி. இதனால் இப்படிப்பட்டவர்களுக்கு தீபாவளி சந்தோஷமே இல்லாமலும் போகிறது. எனவே அப்பட்டவர்களுக்கு பலகாரங்கள் செய்ய நேரம் ஏது. அதனால கடைகளில் வாங்கிக் கொள்கிறோம். மேலும் வீட்டில் செய்தால் ஒன்றிரண்டு பலகாரமே செய்ய முடியும். கடைகளில் பலவிதமான ஐட்டங்களை வாங்கி சாப்பிட்டு சுவை பார்க்க முடிகிறது. அவசர உலகம் அதற்கு தகுந்த மாதிரி நம்மை தயார் படுத்திக்கொள்ள வேண்டுமல்லவா. எப்படியோ நாங்களும் அவசர சந்தோஷத்திலும் சந்தோஷமாக தீபாவளியை கொண்டாடுகிறோம்" என்கிறார்கள் இப்போதைய குடும்பத் தலைவி திருமதி கீதா இளவரசன், சிவசக்தி ஆகியோர்.

இப்போது சாதாரண ஏழை எளிய மக்கள் முதல் பெரிய வசதி படைத்த குடும்பங்கள் வரை ரெடிமேடு தீபாவளியையே விரும்புகிறார்கள். 

"அதைவிட தீபாவளி சீட்டு பிடித்து ஒரு ஆண்டு முடிந்ததும், 600 ரூபாய் மதிப்புள்ள பிராந்தி பாட்டில் 2, பீர் 2, 1 லிட்டர் வாட்டர் பாக்கெட், பெப்சி 2 லிட்டர், சோடா 3, உருளை சிப்ஸ் 1 பாக்கெட், பிளாஸ்டிக் கிளாஸ் 8, சிக்கன் 65, ஒரு கிலோ ஸ்வீட் பாக்ஸ், ஊறுகாய் ஒரு சரம் என,. 10 அயிட்டங்கள் கொடுக்கப்படும் என ஸ்ரீசாய் பசித்திரா ஆண்கள் தீபாவளி பண்டு மந்தைவெளி சென்னை 28 என்ற முகவரியை செல்போன் செல்போன் எண்ணோடு வழங்கியுள்ளனர். இது குடிமன்னர்களின் தீபாவளி கொண்டாட்டமாம்", என்கிறார் வேலைக்குப்போகும் சிந்தாமணி.

நண்பர்கள் பார்ட்டி வைத்தும், நகர மக்கள் பட்டாசு வெடித்தும், கிராம மக்கள் பிள்ளைகளோடும், உறவினர்களோடும் தீபாவளியை கொண்டாடி வருகின்றனர்.

மொத்தத்தில் ஒளியின் சிறப்பை உணர்த்துவது தீபாவளி. தீபங்களின் வரிசை என்பதே தீபாவளி. வெளியுகலத்திலுள்ள இருள் மட்டுமில்லாமல், மனதில் இருக்கும் தீமை என்றுமே அகன்று, இருளும் நீங்க தீபாவளி வழிகாட்டுகிறது. புத்தாடை, பலகாரம், பட்டாசு, உறவினர்களைச் சந்திப்பது என வெறும் கொண்டாட்ட நாளாக மட்டுமில்லாமல் தன்னையோல பிறரை நேசிக்கும் அன்பு மனம் நமக்கு வேண்டும் என்பதை உணர்த்துகிறது. எளியவர்களுக்கு இயன்ற உதவி செய்யும் நன்னாளாக  அமைந்துள்ளது.

எஸ்.பி.சேகர்.

அரசியல் சார்பின்றி இருப்பேன்: கவர்னர் பன்வாரிலால் முதல் பேட்டி

Written By DevendraKural on Friday, 6 October 2017 | 01:36

தமிழக அரசு, கவர்னர், பன்வாரிலால் புரோஹித், அரசியல், சட்டம்சென்னை: "செயல்பாடுகளை பொறுத்து தமிழக அரசுக்கு தனது அதரவு இருக்கும்", அரசியல் சார்பின்றி இருப்பேன் என்றும் தமிழக கவர்னராக பதவியேற்ற பின்னர் பன்வாரிலால் நிருபர்களுக்கு அளித்த முதல் பேட்டியில் கூறினார்.
கவர்னர் மேலும் கூறியதாவது: 
அரசியல் அமைப்பு சட்டத்திற்கு உட்பட்டு செயல்படுவதில் உறுதியாக இருப்பேன். அரசியல் சட்டத்தை காப்பது எனது முதல் கடமை. அரசியல் சார்புடன் எந்த ஒரு நடவடிக்கையையும் எடுக்க மாட்டேன். செயல்பாட்டை பொறுத்து தமிழக அரசுக்கு எனது ஆதரவு இருக்கும். அரசின் நிர்வாகத்தில் முழு அளவில் வெளிப்படை தன்மை உறுதி செய்யப்பட வேண்டும்.  இவ்வாறு அவர் கூறினார்

புதிய கவர்னர் உள்ளும் – புறமும்!


ஓராண்டுக்கு பின் தமிழகத்துக்கு புதிய கவர்னர் நியமிக்கப்பட்டுள்ளார். பெரும் சர்ச்சைகளுக்குள் சிக்கிய தமிழகத்தின் பொறுப்பு கவர்னரான வித்யாசாகர்ராவ் விடுவிக்கப்பட்டு புதிய கவர்னராக பன்வாரிலால் புரோகித் நியமிக்கப்பட்டுள்ளார்.

1940 ஏப்ரல் மாதம் 16ந்தேதி ராஜஸ்தான் மாநிலத்தில் உள்ள ஜின்ஜின் என்கிற கிராமத்தில் பகவான்தாஸ்க்கு மகனாக பிறந்தார் பன்வாரிலால் புரோகித். புரோகித் என்பது சாதிப்பெயர். வட இந்திய பார்ப்பனர் சாதியை சேர்ந்தவர். இவர் பிறந்தது கிராமமாகயிருந்தாலும் படித்தது, வளர்ந்ததுயெல்லாம் மகாராஷ்ட்ரா மாநிலம் நாக்பூரில்.

நாக்பூரில் உள்ள ஜீ.எஸ் கல்லூரில் பி.காம் படித்தவர் ஆரம்பத்தில் பார்வார்டு பிளாக் கட்சியில் இருந்தார். அதன் பின்பே காங்கிரஸ் கட்சிக்கு வந்தார். முதல் முறையாக அதாவது 1978ல் கிழக்கு நாக்பூர் தொகுதியில் போட்டியிட்டு எம்.எல்.ஏவாக தேர்வானார். 1980ல் தெற்கு நாக்பூர் தொகுதியில் போட்டியிட்டவர் இந்த முறை ஊரக வளர்ச்சி துறை அமைச்சராக நியமிக்கப்பட்டார். 1984ல் வந்த பாராளமன்ற தேர்தலில் நாக்பூர் தொகுதியில் போட்டியிட்டு எம்.பியாக வெற்றி பெற்றார். 1989லும் அதே தொகுதியில் இருந்து எம்.பியாக தேர்வானார். அதன்பின் இவருக்கும் முன்னால் பிரதமர் ராஜிவ்காந்திக்கும் முட்டள் மோதல் வந்தது. இதனால் கட்சியில் இருந்து ஒதுங்கி வைக்கப்பட்டு இருந்தார்.

இந்த நேரத்தில் தான் அயோத்தியில் ராமர் கோயில் கட்ட ஆர்.எஸ்.எஸ் தீவிரமாக இருந்தபோது, அதற்கு வெளிப்படையாக ஆதரவு தெரிவித்ததோடு பண உதவியும் பெருமளவில் செய்தார். இதனால் காங்கிரஸ் கட்சியில் இவருக்கு எதிர்ப்புகள் அதிகரித்தால் கட்சியில் இருந்து விலகினார். பாஜகவில் இணைந்து 1996ல் பாஜக சார்பில் எம்.பி தேர்தலில் நின்று மூன்றாவது முறையாக எம்.பியாக தேர்வானார். பாஜகவின் முன்னால் பிரதமர் வாஜ்பாயின் நம்பிக்கைக்குரிய மத்திய அமைச்சராகவும், பாஜகவின் நிதி பாதுகாவலராகவும் இருந்த பிரமோத்மகாஜனுடன் மோதல் வந்து பாஜகவில் இருந்து விலகி 2003ல் விதர்பா ராஜ்ய கட்சி என்கிற கட்சியை சொந்தமாக தொடங்கி நடத்த துவங்கினார் பன்சாரிலால். 

விதர்பா பெயரில் கட்சி தொடங்கினாலும் அந்த விதர்பா பகுதியில் ஆயிரக்கணக்கான விவசாயிகள் தற்கொலை செய்துக்கொண்டு மடிந்துப்போனதுக்கு பெரியதாக எந்த உதவியும் செய்யாதவர் இவர். 2009ல் தனது கட்சியை மீண்டும் பாஜகவிலேயே இணைந்துவிட்டு 2009 எம்.பி தேர்தலில் சீட் வாங்கி நின்று தோல்வியை சந்திக்க அமைதியாகிவிட்டார். 2014ல் அதே நாக்பூர் தொகுதி வேண்டும்மென கேட்டார் தரப்படவில்லை.  பாஜக மீண்டும் பதவிக்கு வர ஆர்.எஸ்.எஸ் ஆதரவுடன் 2016 ஆகஸ்ட் 17ந்தேதி அசாம் கவர்னராக பொறுப்பு ஏற்றுக்கொண்டார். கடந்த ஆண்டு மேகாலயா கவர்னராக இருந்த சண்முகநாதன் பாலியல் சர்ச்சையில் சிக்கி பதவியை விட்டு விலகியதால் மேகாலயா கவர்னர் பதவியையும் கூடுதலாக பொறுப்பு வகித்து வந்தார். இந்நிலையில் தான் தமிழக கவர்னராக நியமிக்கப்பட்டுள்ளார்.

1959 ஜீலை 14ந்தேதி புஷ்பாதேவி என்கிறவரை திருமணம் செய்துக்கொண்ட பன்சாரிலால்க்கு இரண்டு மகள்கள், ஒரு மகள். பெரும் தொழிலதிபர். கண்ணாடி தொழிற்சாலை, சிமெண்ட் தொழிற்சாலை, ஆட்டோமொபைல்ஸ், கல்லூரிகள் என பல தொழில்கள் நடக்கின்றன. இந்துத்துவாதியும், காங்கிரஸ்காரராக இருந்து நாட்டு விடுதலைக்காக போராடிய கோபால கிருஷ்ணா கோகலே தொடங்கிய தி ஹிட்டவாடா பத்திரிக்கை இவர் கட்டுப்பாட்டில் இருந்தது, இப்போது இவரது மகன் ராகேஷ் நடத்துகிறார்.

நேதாஜி சுபாஷ் சந்திரபோஸ்சின், இந்திய பார்வார்டு பிளாக் கட்சியில் தனது அரசியல் வாழ்வை தொடங்கி, காங்கிரஸ் கட்சிக்கு வந்து கலந்தாலும், அவரது ரத்தத்தில் ஆர்.எஸ்.எஸ் சித்தாந்தம் தான் ஓடிக்கொண்டு இருந்தது. இதை எப்போதும் அவர் மறைத்துக்கொண்டதில்லை. அதனால் தான் காங்கிரஸ்சில் இருந்து விலகி பாஜகவில் அடைக்கலமானபோதும், அடைக்கலமாகி பின்பு தனி கட்சி நடத்தியபின்பு அதுவும் போணியாகாமல் மீண்டும் பாஜக கதவை தட்டியபோது, மீண்டும் இணைத்துக்கொண்டு கவர்னர் பதவி வரை தந்துள்ளது பாஜக.

அரசியல் விளையாட்டில் தேர்ந்தயிவர். பின்னணி பேரம் நடத்துவதில் கைதேர்ந்த பிஸ்னஸ்மேன். 1989ல் ஆர்.எஸ்.எஸ் கரசேவை தொடங்கும் முன்பு பல கட்சிகளிடம் ஆதரவு கேட்டது. அப்போது முன்னால் பிரதமராக இருந்த இராஜிவ்காந்தியை ஆர்.எஸ்.எஸ் தலைவர் பாலாசாகோப் ரகசியமாக சந்தித்து ஆதரவு கேட்டார். இரு தலைவர்களை ரகசியமாக சந்திக்க வைத்ததை பின்னாளில் பெருமையாக அரசியல் அரங்கில் வெளிப்படுத்தியவர், ஆர்.எஸ்.எஸ்க்கு மறைமுகமாக ராஜிவ்காந்தி ஆதரவு தந்தார் என்றார். இன்று தமிழகத்தை ஆளும் அதிமுக அரசு குழப்பத்தின் உச்சத்தில் உள்ளது. மத்தியில் ஆளும் பாஜக தன் விரும்படியெல்லாம் அதை ஆட்டிவைத்துக்கொண்டுள்ள சூழ்நிலையில் தமிழக கவர்னராக வந்துள்ளார் பன்வாரிலால் புரோகித்.

புரோகித் என்கிற புரோகிதர் வகுப்பை சேர்ந்த கவர்னர், தமிழகரசு நடக்க அதிமுக அரசுக்கு சுபகாரியம் செய்ய போகிறாறா அல்லது காரியம் செய்து வைத்து சுத்தமாக முடிக்கபோகிறாறா என்பது இனிதான் தெரியவரும்

பிறருக்காக வாழ வேண்டும் என்ற மனித வாழ்வியல் நெறியைக் கொண்ட நாடு ஜப்பான்.

Written By DevendraKural on Wednesday, 4 October 2017 | 04:05

'டைட்டானிக்’ திரைப்படம் பார்த்திருப்பீர்கள். அந்தப் படத்தில் காட்டப்படாத ஒரு சம்பவம் இருக்கிறது.

கப்பல் பழுதடைந்து கடலில் மூழ்கிக்கொண்டிருக்கும். அவர்களைக் காப்பாற்ற பல படகுகள் வரும். முதலில் கப்பலில் இருந்து படகுக்குப் பெண்களும், குழந்தைகளும் மட்டுமே செல்ல வேண்டும் என்று முடிவெடுக்கிறார்கள். அப்படி, கப்பலில் இருந்து படகுக்கு செல்லும்போது ஒரு ஜப்பானியன் பெண்களோடு கலந்துபோய் படகில் ஏறி தப்பித்துக் கொள்கிறார். அந்த நபர் தன்னுடைய நாடான ஜப்பானுக்குச் செல்லும்போது, அந்த மக்களும் நாடும் அவரை வரவேற்கவில்லை. மாறாகப் புறக்கணிக்கிறார்கள்.

அதற்கு காரணம் ஜப்பானியர்களுக்கு ஒரு பண்பாடு உண்டு. அதை விளக்க அங்கிருக்கும் பள்ளிகளில் ஒரு குட்டிக் கதை வைத்திருக்கிறார்கள். ஒரு ராணுவப் படை வீரர்கள் குதிரையில் கும்பலாக வருகிறார்கள். கண்ணில் பட்டவர்களையெல்லாம் வெட்டிச் சாய்க்கிறார்கள். மக்கள் அலறியபடி பாதுகாப்பான இடத்தை நோக்கி ஓடுகின்றனர். தெருவில், இரண்டு கைக்குழந்தைகளுக்கு ஒரு பெண் சாதம் ஊட்டிக் கொண்டிருக்கிறாள். ராணுவப்படை வருவதை அறிந்து குழந்தைகளைத் தூக்கிக்கொண்டு ஓடுகிறாள். ராணுவம் பக்கத்தில் வந்துவிட்டது. 

இரண்டு குழந்தைகளில் ஒரு குழந்தையை இறக்கிவிட்டு ஓடினால்தான் அவள் தப்பிக்க முடியும். இரண்டு குழந்தைகளின் முகத்தையும் பார்க்கிறாள். சற்று நேரத்தில் ஒரு குழந்தையை இறக்கிவிட்டு ஒரு குழந்தையை தூக்கிக்கொண்டு ஓடுகிறாள்.
இறக்கிவிடப்பட்ட குழந்தை அவள் கண்முன்னே வெட்டப்பட்டு மரணிக்கிறது. அவளிடம் ஒரு பெரியவர் கேட்கிறார். ' ஒரு தாய்க்கு இரண்டு குழந்தைகளும் சமமானதுதானே! அப்படி இருக்கும்போது எதை வைத்து ஒரு குழந்தையை பலிகொடுக்கத் துணிந்தாய்?’ என்று.

அந்த பெண் கண்ணீருடன் சொன்னாள்... 'என் குழந்தைக்கும், பக்கத்து வீட்டுக் குழந்தைக்கும் சாதம் ஊட்டிக் கொண்டிருந்தேன். அப்போதுதான் ராணுவம் வந்தது. பக்கத்து வீட்டுக் குழந்தையை இறக்கிவிட எனக்கு அதிகாரம் கிடையாது. அதனால் என் குழந்தையை இறக்கிவிட்டு பக்கத்து வீட்டுக் குழந்தையைக் காப்பாற்றினேன்!’ என்று சொன்னாள். அந்தப் பெரியவர் கண் கலங்கினார்.

நமக்காக வாழாமல் பிறருக்காக வாழ வேண்டும் என்ற மனித வாழ்வியல் நெறியைக் கொண்ட நாடு ஜப்பான். அந்த நாட்டில் பிறந்த ஒருவர் கோழையாகத் தப்பி வந்ததை அந்த மக்களால் ஏற்றுக்கொள்ளவே முடியவில்லை. இது போன்ற ஏராளமான பாடங்களை வரலாற்றில் இருந்துதான் நாம் கற்றுக் கொள்ள முடியும்!'' படித்து பகிர்தது..

ஜெயலலிதா கைரேகை மூலம் சொத்துகள் கைமாறியுள்ளது!

Written By DevendraKural on Saturday, 5 November 2016 | 08:24

தமிழக முதல்வர் ஜெயலலிதாவுக்கு தெரியாமல் அவரின் கை ரேகை மூலம் சொத்துகள் கைமாறுகிறது என திமுக தரப்பில் குற்றம் சாட்டப்பட்டுள்ளது.
ஜெயலலிதா செப்டம்பர் 22ம் திகதி முதல் அப்பல்லோ மருத்துவமனையில் அனுமதிக்கப்பட்டு சிகிச்சை பெற்று வருகிறார் என்பது உலகறிந்ததே.
தஞ்சை, அரவக்குறிச்சி, திருப்பரங்குன்றம் மூன்று தொகுதயில் போட்டியிடும் அதிமுக வேட்பாளர்கள் படிவத்தில் ஜெயலலிதா கைரேகை இடம்பெற்றிருந்தது பரபரப்பை ஏற்படுத்தியது.
இதனையடுத்து, இதற்கு அதிமுக தரப்பில் விளக்ம் தரப்பட்டதை தொடர்ந்து தேர்தல் ஆணையம் அனுமதி வழங்கியுள்ளது.
இந்நிலையில், தருமபுரியில் தி.மு.க. மாவட்டச் செயலாளர் தடங்கம் சுப்பிரமணி இல்லத் திருமண விழாவில் ஸ்டாலின் உட்பட கட்சியின் முக்கிய தலைவர்கள் கலந்துக்கொண்டனர்.
விழாவில் பேசிய துரைமுருகன், ஜெயலலிதாவுக்கு தெரியாமல் பல சொத்துக்களுக்கு கைரேகை மூலம் உருட்டப்பட்டு கைமாறுகிறது.
ஜெயலலிதா எழுந்து வந்தால், யார், யார் உள்ளே செல்வார்கள் என்பது தெரியும் என கூறி பரபரப்பை ஏற்படுத்தியுள்ளார்.

ஜெயலலிதா….இன்னும் 10 நாட்களில்.! வெளியான தகவல்கள்

தமிழக முதல்வர் ஜெயலலிதா இன்னும் 10 நாட்களில் வீடு திரும்பி சிறப்பான வகையில் பணி புரிவார் என மதுரை ஆதினம் தெரிவித்துள்ளார்.
சென்னை அப்பல்லோவில் நேரில் வந்து முதல்வரின் உடல் நலம் குறித்து விசாரித்த பின்னரே அவர் இவ்வாறு தெரிவித்துள்ளார்.
ஜெயலலிதா அக்டோபர் மாதம் 22ம் திகதி முதல் சென்னை அப்பல்லோ மருத்துவமனையில் அனுமதிக்கப்பட்டு தொடர் சிகிச்சை பெற்று வருகிறார்.
சமீபத்தில் அப்பல்லோ நிர்வாக தலைவர் பிரதாப் ரெட்டி, முதல்வர் வேகமாக குணமடைந்து வருவது மகிழ்ச்சி அளிக்கிறது. அவர் எப்போது வீடு திரும்ப வேண்டும் என அவர்தான் முடிவு செய்வார் என கூறி மகிழ்ச்சியை ஏற்படுத்தினார்.
இந்நிலையில், மதுரை ஆதினம் கூறியதாவது, நாடாளுமன்ற துணை சபாநாயகர் தம்பித்துரை, அண்ணா திமுக அவைத்தலைவர் மதுசூதனன் ஆகியோரிடம் அரை மணி நேரம் முதல்வர் உடல் நிலை குறித்து விசாரித்தேன்.
அப்போது அவர்கள் மிகுந்த மகிழ்ச்சியான வகையில் அம்மாவின் உடல் நலம் குறித்த முன்னேற்ற செய்திகளை என்னிடம் தெரிவித்தார்கள்.
இன்னும் 10 நாட்களில் இல்லம் திரும்பி சிறப்பான வகையில் பணி புரிவார் என கூறியுள்ளார்.

நாகரீக தோற்றத்தின் அர்த்தம் உள்ள பெயர் கொண்ட தமிழ் சாதி

பள்ளன் என்றால் புனிதமானவன் பிராகிருதமொழியில் தெய்வங்கள் அக்குலத்தில் தோன்றியதால்.
பள்ளன் என்றால் வீரன் சிந்துசமவெளி நாகரீகத்தை தோற்றுவித்த தமிழர்கள் அடையாளம். உலகம் முழுவதும் பள்ளர் பெயர் கொண்ட வெளிநாட்டினர் நாகரீகத்தை வேளாண்மை இரும்பு நாகரீகத்தை கற்று தந்த பள்ளர் பெயரை குடும்ப பெயராக பயன்படுத்திவருகின்றனர்.
தமிழ் நாட்டில் பள்ளர் சங்ககாலங்களில் மள்ளர் என்று அழைக்கப்பட்டுள்ளனர் ஏனெனில் சங்க தமிழ் அர்த்தத்தோடு பள்ளர்களை மள்ளர்கள் என்றது.
மள்ளன் என்றால் செல்வமுடையவன்
மள்ளன் என்றால் திண்மையுடையவன்
மள்ளன் என்றால் உழவர்
மள்ளன் என்றால் பலமுடையவன்.
வேந்தன் வழிவந்தோர்.
இஃது வரலாற்று அடிப்படையில் சங்க தமிழ் அடிப்படையில் மள்ளர் என்று பெருமையாக கூறி கொள்வதில் என்ன தவறு?
எமது பெயரை யாம் பயன்படுத்தாமல் வேறு யாரை பயன்படுத்த சொல்கின்றீர்?
எமக்கு பெருமை சேர்க்கும் பல பெயர்கள் உண்டு. அது எம் முன்னோர்கள் சிறப்பாக வாழ்ந்த அடையாளம்.
ஆட்சி செய்து வேந்தர் என்று பெயர் வாங்கியவர்கள் எம் முன்னோர்.
வேந்தர்
மள்ளர்
உழவர்
பள்ளர்
தேவேந்திரகுலத்தான்
இந்திரகுலம்
தெய்வேந்திரர்
தேர்வேந்தர்
பாண்டியர்
குடும்பர்
வாரியர்
மூப்பர்
காலாடியர்
கடையர்
பண்ணாடி
மண்ணாடி
வயற்காரன்
பண்ணைகுடும்பன்
வன்னியகுடும்பன்
பணிக்கன்
பலகான்
மல்லர்
மல்லாண்டவர்
தேவேந்திர சக்ரவர்த்தி
தேவேந்திரகுலவேளாளர்
நெல்லினமக்கள் மல்லர்
தேவேந்திர பள்ளர்
மள்ளசாதி குடும்பன்
கரையாளன் கரையான்
வங்கபள்ளர்
வாதிரியர்
குளத்து குடும்பன்
அளத்துபள்ளர்
வீர நாட்டார்
சீவந்தி வளநாட்டார்
கொற்க்கை குடவளநாட்டார்
அம்மாபள்ளர், ஆத்தாபள்ளர்,அஞ்ஞாபள்ளர், ஆயி பள்ளர், ஈசன்பள்ளர், ஈஸ்வரி மரபு என வேறு பல பெயர்களும் உண்டு !
என எண்ணிலடங்கா பெருமை கொண்ட பெயர்கள் உள்ளது எம்மினம்.
ஒவ்வொரு பெயரிலும் மனித நாகரீக தோற்றத்தின் அர்த்தம் உள்ள பெயர் கொண்ட தமிழ் சாதி நாங்கள்

எவரையும் விட்டுவைத்ததில்லை கரண் தபார்..!

"நான் ஆக்ஸ்போர்டில் தத்துவத்தில் பட்டயப்பயிற்சி முடித்த நிலையில் பத்திரிகைத் துறையில் எனக்குப் பணியாற்ற ஆர்வமிருக்கிறது என ஆறு ஆங்கில நாளேடுகளுக்குக் கடிதம் அனுப்பினேன். நான்கு பத்திரிகைகள் அதற்குப் பதிலளிக்கவில்லை, ஒரு பத்திரிகை என்னை ஏளனம் செய்து கடிதம் அனுப்பியது. ஒருவர் மட்டும்தான் இப்படியொரு கடிதத்தை நான் பார்த்ததே இல்லை என்று பதிலளித்து தன்னை வந்து சந்திக்குமாறு கூறினார். அவர்தான் டைம்ஸ் பத்திரிக்கையின் தலைவர் ஹ்யூம். பத்திரிகைத் துறை பற்றி ஒன்றுமே அறிந்திராத என்னை நைஜீரியாவுக்கு அனுப்பி செய்திகள் சேகரிக்கச் சொன்னார். அவர்தான் பத்திரிக்கை உலகில் எனது குருவும் கூட. அன்று அப்படியொரு கடிதம் எனக்கு வந்திருக்காவிட்டால் நான் ஏதோ ஒரு பள்ளியில் ஆசிரியராக இருந்திருப்பேன்”, 
"நீங்கள் பத்திரிகைத்துறையில் சேர்ந்திருக்காவிட்டால் என்னவாகி இருப்பீர்கள்?" என அவுட்லுக் இதழ் கேட்ட கேள்விக்கு கரண் தபார் அளித்த பதில் இது. 
செய்திகளுக்கு என்றே ஐம்பதுக்கும் அதிகமான சேனல்கள் இருக்கும் காலகட்டம் இது. இந்தியச் செய்தித் தொலைகாட்சிகள் என்றாலே  தூர்தர்ஷன் மட்டுமே செய்திகளுக்கான ஒரே ஊடகமாக இருந்த 90-களின் தொடக்கத்தில்  அன்றைய நிலையில் பிர்லா குழுமத்தின் 'ஹிந்துஸ்தான் தொலைகாட்சி நிறுவனம்' செய்தி மற்றும் அரசியல் நிகழ்வுகளை தூர்தர்ஷன் வழியாக ஒளிபரப்பத் தொடங்கி இருந்தபோது அதன் தூணாக இருந்து அதனுடன் வளர்ந்தவர் கரண் தபார். செய்திச் சேனல்கள் உருவாக அடித்தளமாக இருந்தது இவர்கள் ஒளிபரப்பிய செய்தி நிகழ்வுகள்தான்.
அரசியல்வாதிகளுடனான நேர்முகப்பேட்டி  என்றாலே ஊடகவியலாளர்கள் கேள்விகளால் துளைத்தெடுப்பார்கள் என்று இன்றைக்கு உருவாகி இருக்கும் அடையாளத்துக்கு கரண் தபார்  ஒரு முன்னோடி எனலாம். இத்தனைக்கும் ஹிந்துஸ்தான் நிறுவனத்துடன் இணைவதற்கு முன்பு அவர்  பி.பி.சி மற்றும் லண்டன் வீகெண்ட் ஆகிய இரு பெரும் நிறுவனங்களில் பணியாற்றியவர். அவருக்கு அங்கே பத்து வருட காலப் பணி அனுபவமும் இருந்தது. ஆனால் இந்தியா ஊடகங்களின் வழியாக அரசியல்வாதிகளை நேர்காணல் செய்யத் தொடங்கியதில் இருந்துதான் அவரது அடையாளமும் வளர்ந்தது. அன்றைய பிரதமர் நரசிம்மராவ், பாகிஸ்தான் பிரதமர் பெனாசிர் பூட்டோ, மறைந்த ஜனாதிபதி வெங்கடராமன், சிவசேனா தலைவர்  பால் தாக்ரே பேட்டி என அவர் நேர்காணல் காணாத அன்றைய தலைவர்களே இல்லை எனலாம்.
ஆப்கானிஸ்தான் போர் நிலவரங்களை நேரலையில் ஒளிபரப்பியது, தான் பிறந்து வளர்ந்த மாநிலமான காஷ்மீர் பற்றிய பிரச்னைகளின் மீதான ஆழ்ந்த விசாரணை அணுகுமுறைகள் குறித்த செய்தித் தொகுப்புகளை எடுத்து ஒளிபரப்பினார். பின்னாளில் சி.என்.என், சி.என்.பி.சி, பி.பி.சி, இந்தியா டுடே உள்ளிட்ட நிறுவனங்களில் பணியாற்றியபோது மோடி, ஜெயலலிதா, ராம் ஜெத்மலானி உள்ளிட்டவர்களை பேட்டி எடுத்தபோது அவர்கள் பேட்டியிலிருந்து பாதியிலேயே எழுந்து செல்லும் நிலைக்கு ஒரு வித வீச்சுடன் கேள்விகளைத் தொடுத்தவர் கரண் தபார்.அவரின் பாணியே பிற்காலத்தில் செய்தி ஊடகத்துறையில் பலர் பின்பற்றிய அடையாளமாகவும் இருந்தது. 
கரணும் நிஷாவும்!
அவரது பெரும்பாலான பேட்டிகள் பாதியில் நின்று போனது போலவே, அவரது வாழ்வின் வசந்த காலமும் பாதியிலேயே முடிந்தது. 80-களில் லண்டனில் தங்கி இருந்தபோது, அங்கு வங்கி ஊழியராக வேலைபார்த்த நிஷாவை காதலித்தார் கரண். இரு வருடங்கள் ஒன்றாக வாழ்ந்தவர்கள்,  பிறகு கிறிஸ்தவ முறைப்படி அங்கேயே திருமணம் செய்துகொண்டனர். அவர்களது திருமண வாழ்க்கை பத்து ஆண்டுகள் மட்டுமே நிலைத்தது. 91-ல் ’என்செபாலிடிஸ்’ எனப்படும் மூளை வீக்க நோயால் பாதிக்கப்பட்டு லண்டன் மருத்துவமனையில் இறந்து போனார் நிஷா. கரண் லண்டனிலிருந்து இந்தியாவுக்குத் திரும்ப நிஷாவின் இறப்பும் ஒருகாரணம். 
பெனாசிர் உடனான நட்பு
கரண் கேம்ப்ரிட்ஜ் பல்கலைக்கழகத்தில் இளங்கலைப் படிப்பு படித்து வந்த காலத்தில் கேம்பிரிட்ஜின் ஆசிய கூட்டமைப்பின் துணைத்தலைவராக இருந்தவர் பெனாசிர். அப்போது தொடங்கி பெனாசிருடன் கரண் நல்ல நண்பராக இருந்தார். கரணின் மனைவி நிஷா இறக்கும் தருவாயில் கரணுக்கு இரண்டு நாட்களுக்கு ஒரு முறையாவது அழைப்பு விடுத்து நிஷாவின் நிலைமை பற்றி கேட்டுவிட்டு கரணுக்கு மன தைரியம் அளித்துவந்திருக்கிறார். பெனாசிர் கொலை செய்யப்பட்டு இறக்கும் தருவாய் வரை அவர்களது நட்பு நீடித்தது.“பிழைப்பின் அடிப்படையில் நாம் இருவரும் வெவ்வேறு துருவங்கள் என்றாலும். தனிப்பட்ட முறையில் நாம் நல்ல நண்பர்கள்” என்று பலமுறை கரணிடம் கூறிவந்திருக்கிறார் பெனாசிர், இந்தியா-பாகிஸ்தான் நாடுகளிடையேயான தேசிய அரசியலில் பல முரண்கள் இருந்தாலும் இருநாட்டு மக்களிடையே இழையோடும் மெல்லிய நட்பைப் போன்று இவர்களது இழையோடி இருந்திருக்கிறது.
கரண் மீது எழுந்த விமர்சனங்கள்!
தனி மனித அடையாளங்களைத் தொடர்ந்து எழும் விமர்சனங்கள் என்றுமே தவிர்க்க முடியாதது. அந்த வகையில் கரண்தபார் மீதும்விமர்சனங்கள் எழாமல் இல்லை. தபாரின் தந்தை எல்லையில் ராணுவ வீரராக இருந்தவர். கூடவே காங்கிரஸ் ஆதரவாளரும்கூட அதனால் கரணும் காங்கிரஸ் கட்சியின் ஆதரவாளர் என்கிற பிம்பம் எழுந்தது. மேலும் பேட்டிகளின்போதே தலைவர்கள் அவர் மீது தீவிர விமர்சனங்களை முன்வைத்தார்கள்.  பால்தாக்ரே தனது ஒரு பேட்டியில் "நீங்கள் எதிரில் இருப்பவரை வில்லனாகச் சித்தரிக்கத் தெரிந்தவர் என்றார். ராம் ஜெத்மலானி "நீங்கள் என்றுமே திருந்தப் போவதில்லை" என்று காட்டமாக விமர்சனம் செய்துவிட்டு தன் வீடு என்பதுகூட நினைவில் இல்லாமல் பேட்டி அறையை விட்டு வெளியேறினார். "உங்களைச் சந்திப்பது என்றுமே எனக்கு மகிழ்ச்சி இல்லை" என்று கூறிவிட்டு வேகமாக தலைமைச் செயலகத்தை விட்டு வெளியேறினார் ஜெயலலிதா. இப்போது, இன்போடைன்மெண்ட் என்னும் தன்னுடைய நிகழ்ச்சி தயாரிப்பு நிறுவனம் வழியாக தான் வேலைபார்த்த அனைத்து தொலைக்காட்சிகளுக்கும் நிகழ்ச்சிகளைத் தயாரித்து வழங்குகிறார்.  
வெறுத்தாலும் புகழ்ந்தாலும் அரசியல்வாதிகளால் தவிர்க்க முடியாத,  ஊடகம் தாண்டிய ஒரு தனி நபர்தான் கரண் தபார்.
 
Support : தேசம்
Copyright © 2013. தேவேந்திரக்குரல் - All Rights Reserved
DESAM
DESAM தேசம்