Home » , » நெகிழவைத்த நாயகணின் வறுமை -சார்லஸ் டிக்கன்ஸ்.

நெகிழவைத்த நாயகணின் வறுமை -சார்லஸ் டிக்கன்ஸ்.

Written By DevendraKural on Tuesday, 23 April 2013 | 19:32


“கொடிது​கொடிது வறு​மை ​கொடிது
அதனினும் ​கொடிது இள​மையில் வறு​மை”
என்பர். ஆமாங்க. வறு​மை வரலாம். ஆனால் இள​மையில மட்டும் வரக்கூடாதும்பாங்க. ஏன்னா அந்த இள​மைக் காலம்தான் நாம் வளரக்கூடிய காலகட்டம்.
அப்படிப்பட்ட ​கொடிய வறு​மையில சிக்கித் தவித்தவர்தான் ஆங்கில எழுத்தாளர் சார்லஸ் டிக்கன்ஸ். இள​மையில் வறு​மையின் பிடியில் சிக்கிப் பள்ளிப் படிப்​பைப் பாதியில் நிறுத்திக் குடும்ப வறு​​மையி​னைப் ​போக்க உ​​ழைத்தவர்தான் சார்லஸ் டிக்கன்ஸ். ஆம்! அவர்தான் வறு​மை​யைப் படிக்கற்களாக மாற்றியவர் ஆவார்.
நாம் எத்த​னை​யோ புத்தகங்க​ளைப் படித்திருக்கி​றோம். ஆனால் அ​வை​யெல்லாம் நம் மனதில் நி​​லைத்து நிற்பதில்​லை. சில புத்தகங்க​ளைப் படித்திருப்​போம். அது அப்படி​யே மனதில் நி​றைந்து இருக்கும். ​​தொடர்ந்து நாம் அந்தப் புத்தகத்​தைத் திரும்பத் திரும்பப் படித்துச் சு​வைத்துக் ​கொண்​டே இருப்​போம். அவ்வாறு படித்தாலும் நமக்கு அலுப்பு ஏற்படாது. அ​தைப்​போன்ற புத்தகங்களில் ஒன்றுதான் ‘ஆலிவர் ட்விஸ்ட்’ என்ற க​தைப் புத்தகம்.
​மேல்நிலைப்பள்ளியில் நாம் படிக்கின்றபோது ஆங்கில பாடத்தில் இடம்​பெற்ற ‘ Oliver Twist ‘ என்ற நாவலை மறந்திருக்க முடியாது. குடும்ப ஏழ்மையின் காரணமாக சிறு வயதிலேயே குழந்தைத் தொழிலாளியாக மாறிய ஒரு சிறுவன் படும் துன்பங்க​ளைச் சித்திரிக்கும் ஓர் அற்புத நாவல் அது. அந்த நாவலாசிரியர் தனது சொந்த அனுபவங்களை எழுதியிருப்பதுதான் அந்த நாவல் மன​தைக் கவருகின்ற வ​கையில் அமைந்ததற்கு முக்கிய காரணம் ஆகும்.  அக்க​தையில் இடம்​பெறும் ‘ஆலிவர் ட்விஸ்ட்’ என்ற அந்த கதாபாத்திரம் இன்றளவும் நமது மன​தைவிட்டு அகலாத, நம்முள் வாழ்ந்து ​கொண்டிருக்கக் கூடிய பாத்திரமாக அ​மைந்துள்ளது. இந்த நாவ​லை எழுதியவர் யாருன்னு ​தெரியுமாங்க.. அவருதான் சார்லஸ் டிக்கன்ஸ்.
FILE PHOTO - Charles Dickens Museum Re-Opens: A Look Back At Charles Dickensபொதுவாக கற்பனைக் கதைகளைக் காட்டிலும் அனுபவக் கதைகளுக்கு வீரியமும், மன​தை உருக்கக் கூ​டிய தன்​மையும் அதிகமாக இருக்கும். அவ்வாறு வீரியமிக்க பல இலக்கிய படைப்புகளைத் தந்த பத்தொன்பதாம் நூற்றாண்டின் உலகபுகழ் பெற்ற ஆங்கில நாவலாசிரியர்தான் சார்லஸ் டிக்கென்ஸ் ஆவார்.
ஆங்கில இலக்கிய உலகம் ஷேக்ஸ்பியருக்கு அடுத்த இரண்டாவது உயர்ந்த நிலையை சார்லஸ் டிக்கன்ஸூக்குத் தந்திருக்கிறது. இத்த​கைய சார்லஸ் டிக்கென்ஸ்  1812-ஆம் ஆண்டு பிப்ரவரி 7-ஆம் தேதி இங்கிலாந்தின் Portsmouth என்ற இடத்தில் பிறந்தார். அவரது குடும்பம் ஏழ்மையான வறு​மை வாய்ப்பட்ட குடும்பம். அவரது தந்தை ஜான் டிக்கென்ஸ் கப்பலில் ஓர் எழுத்தராகப் பணிபுரிந்தார்.  அவர் ஆடம்பரமாகச் ​செலவு ​செய்யும் பழக்கமுள்ளவர். கடன் வாங்கியும் அவர் ​செலவு ​செய்வார். அ​தைப்பற்றி சிறிதும் ​யோசிக்கமாட்டார்.
இவ்வாறு வரவுக்கு மீறி செலவு செய்யும் பழக்கம் அவருக்கு இருந்ததால் கடன் அதிகம் ஏற்பட்டது. அவரால் வாங்கிய கடன்க​ளைத் திருப்பிச் ​செலுத்த முடியவில்​லை. அவருக்குக் கடன் ​கொடுத்தவர்கள் கட​னைக் ​கேட்டுத் ​தொல்​லைகள் ​கொடுத்தனர். ​கொடுத்த பணம் வராததால் அவ​ரைச் சி​றைச்சா​லைக்கு அனுப்பினர். குடும்பத்​தை நிர்க்கதியில் விட்டுவிட்டு டிக்கன்ஸின் தந்​தை சி​றைக்குச் ​சென்றார்.
அப்போது சார்லஸ் டிக்கென்ஸ்க்கு பன்னிரெண்டு வயது. அதுவரை பள்ளியில் நன்கு பாடம் படித்து வந்த சார்லஸ்க்கு அதன்பிறகு கல்வியைத் தொடர முடியாத நிலை ஏற்பட்டது.  வறு​மையின் பிடியில் சிக்கிய டிக்கன்ஸ் வறு​மை​யை விரட்ட தாம் விரும்பிப் படித்துப் பாதுகாத்து வந்த கதைப் புத்தகங்களையும், படுக்கையையும்கூட விற்றுப் பணம் சேர்க்க ​வேண்டிய சூழ்நிலை ஏற்பட்டது.
தந்தை சிறைக்குச் சென்றவுடன் சார்லஸை, அவரது அன்​னையார் பள்ளியிலிருந்து நிறுத்தி விட்டு தொழிற்சாலையில் வேலைக்குச் சேர்த்தார். பள்ளிக்கூடம் ​சென்று படிப்பதில் சார்லஸூக்கு மிகுந்த மகிழ்ச்சி. ஆனால் வறு​மை அவரது படிப்பிற்கு முற்றுப் புள்ளி ​வைத்தது. சார்லஸ்க்கு குடும்பத்தைக் காப்பாற்றும் பொறுப்பு வந்ததால் வேறு வழியின்றி படிப்​பைக் ​கைவிட்டுத் ​தொழிற்சா​லையில் பணியில் ​சேர்ந்து வேலை செய்தார். அப்போது அவருக்குக் கிடைத்த சம்பளம் வாரத்திற்கு ஆறு சிலிங்குகள் (Shillings) .  என்ன ​கொடு​மை பாத்தீங்களா? வறு​மை சிறுவன் சார்லஸின் படிப்​பை​யே பாழாக்கிடுச்சு.
அந்தத் தொழிற்சாலையில் சார்லஸ் வேலை செய்தபோது மிகுந்த துன்பங்க​ளை அனுபவித்தார். எலிகள் நிறைந்த ஒரு பழைய கட்டடத்தில் அந்த தொழிற்சாலை அமைந்திருந்தது. சின்னஞ் சிறிய நெஞ்சங்களில் காயங்களை ஏற்படுத்தும் அளவுக்கு அங்கு வாழ்க்கை சிரமமாக இருந்தது. அக்கசப்பான நிகழ்வுகள் அவரது ​நெஞ்சத்தில் ஆழமாகப் பதிந்தன. அந்தப் பிஞ்சு வயதில் தான் பட்ட இன்னல்க​ளை எல்லாம் நி​னைத்து நி​னைத்து சார்லஸ் டிக்கன்ஸ் பின்னாளில் நிறைய எழுதினார். அப்படி அவர் எழுதிய பிரபலமான நாவல்தான் நான் ​மே​லே குறிப்பிட்ட ‘Oliver Twist’ எனும் சிறந்த நாவலாகும்.
டிக்கன்ஸூக்கு ​வே​லையில் மனம் ​செல்லவில்​லை. பள்ளிக்குச் ​செல்வ​தை​யே அவரது மனம் விரும்பியது. அவரது உள்ளத்துள் ​போராட்டம் ஏற்பட்டது. ​வே​லைபார்ப்பதா? அல்லது படிப்பதா? மனம் குழம்பித் தவித்தது. இவ்வாறு ​போராட்டத்துட​னே​யே அவரது ​வே​லை ​தொடர்ந்தது. சில மாதங்களுக்குப் பிறகு அவர் அந்த வேலையை விட்டு விட்டுப் படிப்பதற்காக மீண்டும் பள்ளியில் சேர்ந்தார். சிறு வயதிலேயே கதைகள் எழுதுவதில் அவருக்கு அதிக ஆர்வம் இருந்தது. புதிய பள்ளியில் அவர் சிறிய கதைகளை எழுதி தன் நண்பர்களிடம் காட்டுவார். பள்ளியில் மொழி ​தொடர்பான ​செயல்களுக்கு அவர் மாணவர் தலைவரானார். மிகுந்த இன்னல்களுக்கு இ​டையில் டிக்கன்ஸ் ஒருவழியாகப் பள்ளிப்படிப்​பை முடித்தார்.
சார்லஸ் பள்ளிப் படிப்​பை முடித்தவுடன் தனது பதினைந்தாவது வயதில் ஒரு சட்ட நிறுவனத்தில் எழுத்தராகப் பணிக்குச் சேர்ந்து சட்ட நுணுக்கங்களைக் கற்றுக்கொண்டார். பிறகு The Morning Chronicle, Mirror of Parliament, Joe son போன்ற செய்தித்தாள்களில் நிருபராக பணிபுரிந்தார். நாடாளுமன்ற நிருபராகவும் சார்லஸ் சிலகாலம் பணிபுரிந்தார். 1837-ஆம் ஆண்டு முதல் 1839 வரை The Pickwick Papers என்ற தலைப்பில் ஒரு சஞ்சிகையில் தொடர் கட்டுரைகளை எழுதினார். அந்தக் கட்டுரைகள் அவருக்கு பெரும் புகழைத் தேடித் தந்தன.
ஆங்கில உலகில் அடுத்த வார இதழ் எப்போது வரும் என்று பலரை எதிர்பார்க்க வைத்த முதல் எழுத்தாளர் சார்லஸ் டிக்கன்ஸ்தான். அதன் பிறகு அவரது எழுத்துலக வாழ்க்கை ஒளிநி​றைந்ததாக மாறியது. டிக்கன்ஸ்  முழுநேர நாவலாசிரியானார்.  Oliver Twist, Nicholas Nickleby, Barnaby Rudge, A Christmas Carol, Martin Chuzzlewit, A Tale of Two Cities, David Copperfield, Great Expectations போன்ற புகழ்பெற்ற சமூக மற்றும் வரலாற்று நாவல்களை அவர் எழுதினார்.
ஆங்கில இலக்கிய உலகில் ஷேக்ஸ்பியரை தவிர்த்து நினைவில் நிற்கும் பல உன்னத கதாபாத்திரங்களை உருவாக்கியவர் சார்லஸ் டிக்கென்ஸ் மட்டுமே எனலாம். தாம் வாழ்வில் அனுபவித்த துன்பமயமான தருணங்க​ளைக்        க​தைகளாக்கினார் சார்லஸ். இப்ப​டைப்புகள்  அ​னைத்தும் மக்களின் மனங்கவர்ந்த காவியங்களாகத் திகழ்ந்தன. அழியாக் காவியங்களாகிய சார்லஸ் டிக்கென்ஸின் படைப்புகள் ஆங்கில இலக்கிய உலகின் உன்னதமான கருவூலங்களாகக் கருதப்படுகின்றன.
விறுவிறுப்பான கதை​யோட்டமும், சுவாரசியமான நகைச்சுவையும், தரமான வசனநடையும், உயிரோட்டமுள்ள கதாபாத்திர அமைப்பும் சார்லஸ் டிக்கென்ஸ் எழுத்தின் பலங்கள். எளியவர்களின் மற்றும் உழைக்கும் வர்க்கத்தின் துயரங்களை அவர் உள்ளது உள்ளவா​றே எடுத்துக்கூறுவதில் வல்லவராகத் திகழ்ந்தார். அதனால்தான் அவ​ரை அனைத்தரப்பினரும் விரும்பினர். மக்கள் சார்லஸ் டிக்கன்​ஸை ​போற்றிக் ​கொண்டாடினர்.
சார்லஸ் டிக்கன்ஸ் எழுத்துலகில் பிரபலமடைந்ததும் தம் நூல்களை அறிமுகப்படுத்த பல நாடுகளுக்கு பயணம் செய்தார். 1842-ல் கனடாவுக்கும், அமெரிக்காவுக்கும் சென்ற அவர் அங்கு அனைத்துலக பதிப்புரிமைக்காகக் குரல் கொடுத்தார். அமெரிக்காவில் அடிமைத்தலையை அகற்றுவதற்கும் அவர் குரல் கொடுத்தார்.
சார்லஸ் டிக்கன்ஸ் தமது 38-ஆவது வயதில் Household Words என்ற வாரப்பத்திரிகையைத் தொடங்கி அதன் ஆசிரியராகச் செயல்பட்டார். ஒன்பது ஆண்டுகள் கழித்து All the Year Round என்ற மற்றொரு பத்திரிகையைத் தொடங்கி இறக்கும் வரை அதன் ஆசிரியராக இருந்தார். 1865- ஆம் ஆண்டு சார்லஸ் டிக்கன்ஸுக்கு ​போதாத காலமாக அ​மைந்தது. அவ்வாணடில் அவர் பாரீஸுக்கு சென்று விட்டு திரும்பிக்கொண்டிருந்த போது கடுமையான இரயில் விபத்து ஏற்பட்டது. அதில் சிக்கிக்கொண்ட சார்லஸ் டிக்கன்ஸ் அந்த விபத்தில் உடல் வலிமை குன்றிப்போனார்.   அவரது உடல் வலி​மை இழந்தது. இருப்பினும் அவற்​றை​யெல்லாம் அவர் ​பொருட்படுத்தாது தமது புத்தகங்களை அறிமுகப்படுத்துவதற்காக அமெரிக்கா சென்றார். அவருக்கு அது வெற்றிகரமான பயணமாக அமைந்தாலும் அவரது உடல்நிலை ​மேலும் மோசமானது.
உடல் பலவீனம​டைந்ததால் ​நோய் அவ​ரை வாட்டியது. இறப்பு        அ​வரை அ​ணைக்க அ​ழைக்க 1870-ஆம் ஆண்டு ஜூன் 8-ஆம் தேதி தமது 58-ஆவது வயதில் இவ்வுலகை விட்டு விடைபெற்றுக்கொண்டார்.  இலக்கியத் தாய் தனது தவப்புதல்வ​னை இழந்தாள். இலக்கியச் சு​வைஞர்கள் தங்களது மனங்கவர்ந்த எழுத்தாளர் இறந்த​தை எண்ணி மனம் வருந்தியழுதனர்.  தான் இறந்தபிறகு தனது உடல் சாதாரண இடுகாட்டில்தான் அடக்கம் செய்யப்பட வேண்டும் என்று விரும்பினார் டிக்கன்ஸ். ஆனால் அவரது விருப்பத்திற்கு மாறாக அவரது உடல் புகழ்பெற்ற Westminster Abbey-யில் ‘Poets Corner’ என்ற பகுதியில் அடக்கம் செய்யப்பட்டது.
சார்லஸ் டிக்கன்ஸின் 200-வது நினைவு தினம் உலக முழுவதும் கொண்டாடப்படுகிறது. 1812-ஆம் ஆண்டு பிப்ரவரி ஏழாம் தேதி பிறந்த டிக்கன்ஸ் 1870-ஆம் ஆண்டு ஜூன் ஒன்பதாம் தேதி இவ்வுலகை விட்டு பிரிந்தார்.
டிக்கன்ஸின் வாழ்வும், எழுத்தும் ஆச்சரியமானது. அசாதரணமான எழுத்தாளர் என அவரை அழைக்கலாம். தான் வாழ்ந்த காலத்தின் ஆன்மாவுடன் டிக்கன்ஸ் சஞ்சரித்தார். அக்கால சூழலின் தலையும், வாலும், உள்ளும், புறமும் எல்லாம் டிக்கன்ஸிற்கு தெரியும். உலகம் முழுவதும் என்றும் நினைவுக்கூற தக்கவகையில் டிக்கன்ஸ் அக்காலக்கட்டத்தில் தனது வாசகர்களுக்காக எழுதினார்.
1830 களில் பத்திரிகையாளராக டிக்கன்ஸ் தனது வாழ்வை துவக்கினார். அக்காலக்கட்டத்தில் அவர் எழுதிய பிக்விக் பேப்பர்ஸ் என்ற முதல் நாவல் டிக்கன்ஸை பிரசித்தி பெற வைத்தது. பின்னர் வந்த தசாப்தங்களில் டிக்கன்ஸின் ஒவ்வொரு படைப்பையும் வாசகர்கள் தங்களது மூச்சை அடக்கி காத்திருந்து வாசித்தனர்.
Oliver Twist, David Copperfield, Nicholas Nickleby,The Old Curiosity Shop  என எத்தனையோ நாவல்களை அவர் வாசகர் உலகிற்கு அளித்தார். டிக்கன்ஸிற்கு பிறகு அவரைப் போன்ற எழுத்தாளர் உருவாகவில்லை எனலாம்.
முதலாளித்துவம் தனது கோரமுகத்தை வெளிப்படுத்திய காலக்கட்டத்தில் டிக்கன்ஸ் வாழ்ந்தார். எழுதினார். காலனியிசம் தனது வெற்றியை உலகமெங்கும் ஸ்தாபித்த காலக்கட்டம். அதன் பயங்கர அனுபவங்களை டிக்கன்ஸின் எழுத்தில் காணலாம். திறமைசாலியான அந்த எழுத்தாளனின் நினைவுகள் இனிமையானவை.
....தேவேந்திர இளைஞர் நல அமைப்பு 

Share this article :
 
Support : தேசம்
Copyright © 2013. தேவேந்திரக்குரல் - All Rights Reserved
DESAM
DESAM தேசம்